PA’PUDIAN 17:15 - Sura' Madatu

¹⁵ Apa iatu aku situang kamaloloan la untiro lindoKomi, iake malimbangunmo’i, dia’ penaangku untiro rupamMi.

PA’PUDIAN 17:15 Referans Kwoze

2 KORINTUS 3:18

Apa kita sola nasang te tang membungku’na, nanii bayo-bayo kamala’biranNa Puang butung misa’ sammin, sia membaliki’ susitu rupa iato nasakendek-kendekna kamala’biranta, susitu lu diona mai PenaanNa Puang.

MATIUS 5:6

Maupa’ tu mintu’ to umpotangdia’ sia umpoma’rang kamaloloan, belanna tau iato la dipedia’i.

PA’PUDIAN 11:7

Belanna malambu’ tu PUANG sia ungkabarii kamalamburan; iatu to bulo lollong la umpemantang rupanNa.

PA’PUDIAN 16:11

Mipokadanna’ lalan katuoan; dio oloMi den kaparannuan media’i; sia dio kananMi den kasode-sodean tontong sae lakona.

FILIPI 3:21

tu la umpopembali te kale lanta kamakario-rioanta, anna susi kale lanNa kamala’biranNa, situru’ tu kuasa Napokuasa umpopengkanorongi tu mintu’ angge maritik lako Kalena.

YESAYA 26:19

Mintu’ taumMi tu matenamo la tuo sule, sia batang rabukku duka; mintu’i la pada malimbangun. Millikkomi sia kumalasi-lasikomi, e kamu sola nasang, tu to diong litak! belanna iatu damo’Mi iamo damo’ paarrang; sia iatu litak la ullua mintu’ to mangka mate.

PA’PUDIAN 65:4

Ma’rupa-rupa kakadakean untaloina’, apa mintu’ salaki la Miseroi.

KADA OMBO’ LAKO RASULU’ YOHANES 21:23

Tae’ namanggi’ tu allo sola bulan unnarrangi tu tondok iato, belanna kamala’biranNa Puang Matua umpamasiangi sia Anak domba napopalita.

YOSUA 24:15

Apa iake misangai tang melo tu umpengkaolai PUANG, melo ke mipilei totemo minda tu minii mengkaola: lakoraka mintu’ deata tu napenombai nene’ to dolomi sambalinna lu Salu, lakoraka deata to Amori tu minii ma’tondok. Apa iatu aku sia to lan banuangku la mengkaolakanni lako PUANG.

KADIBILANGAN 12:8

PudukKu kalena sipa’kada pudukna, Kupamanassan tongan sia tae’ Kubunianni, sia natiro tu pa’kaleanNa PUANG, ma’apai anna tae’ mimataku’ unta’tanni tu taungKu Musa?

PA’PUDIAN 119:111

Mintu’ kasa’biamMi kualamo kupokataanan matontongan, belanna naposende penaangku.

PA’PUDIAN 49:14

Iamoto tu dalle’na to umposande’ bang kalena, iamo katampakanna to tu to umporai misa kadanna. Sela

PA’PUDIAN 5:7

La Misabu’i tu mintu’ to ma’kada tang tongan, sia iatu to umpato’do rara sia lando pa’du Nasayu pallak PUANG.

AYUB 14:12

susi dukamo kasumpandananna tolino to sia tae’mo namillik sule; sae lako kapa’deanna pole’ tu langi’, tae’mo namalimbangun sia tae’mo napandiu dio mai kamammaranna.

YEREMIA 31:26

Mangkato pana’dingmo’, angku bangunan matangku; na iatu mamma’ku lendu’ ia kupomanamanna.