PA’PUDIAN 17:10 - Sura' Madatu

¹⁰ Tu tang natamai kada tu penaa titutu’na, sia umpasun kada matampo.

PA’PUDIAN 17:10 Referans Kwoze

1 SAMUEL 2:3

Da mitarru’ ma’kada layuk, dan nasun tu kada matampo dio pudukmi. Belanna iatu PUANG mandu paissan sia mintu’ penggauran Nasudi.

PA’PUDIAN 123:4

Moso tonganmo tu deatangki, belanna natelle-telle to umpakapua penaanna, sia belanna nabe’se to matampo.

PA’PUDIAN 31:18

O PUANG, da Mieloranna’ kasirisan, belanna meongli’na’ mati’ Kalemi; melo ke mintu’ to tang mekaaluk kasirisan, da’ito nakatiro-tiro lan lino to mate.

MATIUS 13:15

Belanna makarra’mo penaanna te bangsa iate, sia bantangmo pa’peranginna, sia napamamma’mo tu matanna, kumua da anna pakita tu matanna, sia parangi tu talinganna, sia mangingaran tu penaanna, namengkatoba’ sule angKu pamalekei.

2 PETRUS 2:18

Belanna umpokada matampo kada tang kebattuan, anna daai pa’poraian pa’kalean sia tang penggauran tu to mane tilendok dio mai to unnolai lalan pusa.

PENGGAURANNA RASULU’ 28:27

Belanna makarra’mo penaanna te bangsa iate, sia bantangmo pa’peranginna, sia napamamma’mo tu matanna, kumua da anna pakita tu matanna, sia parangi tu talinganna, sia mangingaran tu penaanna, namengkatoba’ sule, angKu pamalekei.

YESAYA 6:10

Pabattukki tu penaanna bangsa iate sia patarui tu talinganna, sia pasipi’da’i tu matanna, da napatiro sia da naparangi sia da napaissan, naurungan tae’ anna mengkatoba’ sia tae’ nadipamaleke.

PA’PUDIAN 119:70

Babun tu tau iato mai butung to nakapu’ lompo tu penaanna, apa iatu aku te umposendena’ sukaran alukMi.

AYUB 15:27

Belanna napabungku’i lompo tu lindona sia napalapikki lompo tiku lao tu aakna;

KATASSURAN 15:9

Ma’kadami tu uali, nakua: La mangula’na’, la kupellambi’i, la untaa-taana’ pangrampa; iatu penaangku la kupatosso lako tau iato mai sia la unnonokna’ la’bo’ku; limangku la ussanggangi tu tau iato mai.

KATASSURAN 5:2

Apa mebali tu Firaun nakua: Mindara tu PUANG, tu sipatu la kuturu’ kadanNa sia unneloranni tu to Israel male? Tae’ kutandai tu PUANG iato sia tang kueloran tu to Israel male.

PA’TOLE 32:15

Attu iato malompomi tu Yesyurun, anna metteba’ – malompomoko, kumamuru sia nakabu’ lompo – anna tampei tu Puang Matua, tu mangka ungkombongi, tang nabilangmo tu Buntu batu, Oto’na kasalamaranna.