PA’PUDIAN 16:8 - Sura' Madatu

⁸ Dio bang lindoku tu PUANG kusa’ding; belanna dio kananku tu Puang, iamoto anna tae’ angku la tilende’.

PA’PUDIAN 16:8 Referans Kwoze

PA’PUDIAN 121:5

PUANGmo tu To pasareongammu, sia Puang duka tu dio kananmu unnonganniko.

PA’PUDIAN 62:6

Rapa’ penaangku ma’patu’tun lako Puang Matua, belanna diori mai tu rannungku.

PA’PUDIAN 73:23

Apa tontongna’ mase’pon dio Kalemi, sia manda’ Mitoe tu lima kananku.

PA’PUDIAN 110:5

Iatu Puang dio kananMu. Ia ussolangi ba’tu pira-pira datu-datu ke allo kasengkeanNai.

PA’PUDIAN 73:26

Moi anna sanggang tu batang kaleku sia ronta’ tu penaangku, apa Puang Matuari buntu batunna penaangku sia kupomana’ tontong sae lakona.

PA’PUDIAN 109:31

Belanna la bendan dio to’ kananna to mase-mase, la ullendokanni dio mai tu to umpasalai.

IBRANI 11:27

Bannang dio dukamora kapatonganan anna tampei tu tondok Mesir tang ungkataku’ kasengkeanna datu, belanna bantang ia butung ungkita To tang kakitanan.

PA’PUDIAN 15:5

Iamotu to tang umpamala’da’ denne’ doi’na, sia tang ungkande pappe’ la umpandasa to tang sala. Minda-minda ungkariturui tu iannate, tae’ nala tilende’ tontong sae lakona.

PA’PUDIAN 139:18

Iake la kubilangi mandu buda ia anna karangan; sia iake millikna’, tontong bangpoKomi kupalan penaa.

PA’PUDIAN 21:8

Belanna nakatappa’i datu tu PUANG, sia diona kamasokananNa Patodoranna anna tae’ natilende’.

PA’PUDIAN 62:3

Ia manna buntu batungku sia oto’na kasalamarangku, Iamo tambakukungku, natae’ angku la masang bang tilende’.

PA’PUDIAN 62:7

Ia manna buntu batungku sia oto’na kasalamarangku, Iamo tambakukungku, natae’ angku la tilende’ len.