PA’PUDIAN 16:5 - Sura' Madatu

⁵ PUANGmo tu ba’gi kupomana’ sia luangna irusangku, Kamu duka tu umpantok serongku.

PA’PUDIAN 16:5 Referans Kwoze

PA’PUDIAN 73:26

Moi anna sanggang tu batang kaleku sia ronta’ tu penaangku, apa Puang Matuari buntu batunna penaangku sia kupomana’ tontong sae lakona.

PA’PUDIAN 142:5

Iake mentirona’ lako kananku sia umpata’pa matangku – moi misa’ tau tae’ ussailena’; iake tae’mo pentionganangku – moi misa’ tau tae’ ungkambaroanna’.

BATING 3:24

Nakua penaangku: PUANGmo tu ba’gi mana’ku, iamoto anna Ia kurannuan.

PA’PUDIAN 23:5

Kamumo umpalennaranna’ sandukanku, nakadongai mintu’ ualingku; sia Kamumo umbolloi minna’ tu ulungku, sebo tu irusangku.

PA’PUDIAN 119:57

Iatu PUANG iamo kataanangku, kuallu’mo la ungkaritutui kadamMi.

PA’TOLE 32:9

Belanna iatu taunNa tu Napotaa PUANG, Yakub iamo Napotaa mana’ Puang, tu disukaranni.

PA’PUDIAN 89:4

Nakua kadamMi: MangkaMo’ sibasse to Kupilei langsa’, sia basse Kupaallonni sumpa lako Daud, taungKu:

YEREMIA 10:16

Apa tae’ nasusito tu taana Yakub; Iamo Tokumombong sanda mairi’ sia garonto’ mana’Na to Israel: tu digente’ PUANGna mintu’, ma’dandan maritik.

YESAYA 53:12

Iamoto angKu la umba’gii apa dio lu to’ buda tau, sia la sola to lalong untaa pangrampa belanna umbuang sunga’na tama kamatean, sia dipasangbilangan to kadake, moi anna urrengnge’ kasalanna buda tau sia umpassambayangan to kadake.

PA’PUDIAN 116:13

La untadedanganna’ irusan tanda kadilendokan, angku meongli’ ussa’bu’ sanganNa PUANG.

PA’PUDIAN 9:4

Belanna sumoro’mo tu mintu’ ualingku, tisumbangmo anna mangsan dio oloMi.

PENGGAURANNA RASULU’ 5:31

Iamora Te tu napakalangka’ lima kananNa Puang Matua mendadi Pangulu sia To pakarimmanan la umpa’kamasean katobaran lako to Israel sia kadipa’deian kasalan.

PA’PUDIAN 132:11

Mangkamo tu PUANG umpalao sumpa kapua lako Daud, sia tae’mo anNa la ullesangi lampa kadanNa misa’i tu to sun dilassakmu la Kupaunno’ko’ dao isungan kapayungammu.

PA’PUDIAN 2:6

Manassa mangkamo Kupamatu’tun tu datungKu, dao Sion buntu maindanKu!

1 KORINTUS 15:25

Belanna inang sipato’ ma’parenta susi datu, sae lako Napadiongna nasang Puang Matua to’ lentekNa tu mintu’ uali.

PA’PUDIAN 125:3

Belanna iatu tekken kapayunganna mintu’ to tang mekaaluk tae’ anna la masae lako dio lu to’ kataananna mintu’ to malambu’, kumua da anna kaka’i to malambu’ tu kakadakean.

PA’PUDIAN 11:6

La Napauranni ruaya sia solo’ tu to tang mekaaluk, sia angin malallang tu taana tau iato mai.

EFESUS 5:18

Da mima’pelango anggoro’ tu umpabu’tu tang penggauran, sangadinna la Naponnoikomi Penaa,

YESAYA 42:1

Tiromi tu taungKu, tu Kusande’ boko’na, tu Kutonno’, tu naala penangKu, Kupatamaimo Penaangku; Iamo la umpatiroanni malolona tu mintu’ bangsa.

PENGGAURANNA RASULU’ 2:32

Iamora te Yesu tu Napamalimbangun Puang Matua, na iatu iannato kamimo te sola nasang tu ungkatottongi.

PA’TOLE 18:2

apa dio lu siulu’na tae’ taa mana’na, belanna PUANG tu taa mana’na, susitu mangka Naalluranni Puang.

YOSUA 22:25

Tang Napadadiraka passaparan PUANG te Yordan lan alla’ki na kamu, to Ruben sia to Gad, tae’ misangbilangan PUANG. Ke susito iatu anakmi la umpasorong-boko’ anakki umpengkaolai PUANG.

YOSUA 22:27

Sangadinna dipotanda sa’bi lan alla’ta sia lan alla’na bati’ta undinna, kumua angki pogau’ kamenomban lako PUANG dio oloNa, umpemalaran pemala’ ditunu pu’pu’ sia pemala’ pangrere’ sia pemala’ kasalamaran. Iake susito iatu anakmi undinna tae’mo nala ma’kada, kumua: Tang sangbilangangkomi PUANG.