PA’PUDIAN 16:4 - Sura' Madatu

⁴ Sitodon tampomo tu kamaparrisanna, to umpengkanorongi (deata) senga’! Nokana’ untedokki tu mai rara napenomban tau iato mai, ba’tu ussa’bu’i randan dipudukku tu sanganna.

PA’PUDIAN 16:4 Referans Kwoze

KATASSURAN 23:13

Iatu mintu’ apa Kupokada lako kalemi la mikanana’i; iamotu tae’ muma’din la ussa’bu’ sanga deata senga’, da natassu’ len dio pudukmu to.

YOSUA 23:7

Da misikadamak tu bangsa torropa misisolan sia da misa’bu’i tu sanganna deatanna sia da mipalao sumpa tete dio sanganna sia da mipengkaolai ba’tu tukku umpenombai.

PA’PUDIAN 97:7

Da’ito nakasirisan tu mintu’ to umpenombai rapang-rapang dipodeata panggaraga lima. Iamotu to ussattuan dipa’deatainna; e mintu’ deata, penombai tu Puang.

PA’PUDIAN 32:10

Iatu to tang mekaaluk, buda kamaparrisan urrampoi, apa iatu to umposande’ PUANG, la Natikui kamasokanan.

YUNUS 2:8

Iatu tau umpengkaolai deata tae’ gai’na, umboko’imo Puang, tu ungkasokanni.

YESAYA 57:6

Dio lu to’ batu malangngo’ diong lombok nanii tu taa ma’parongko’mu; iamotu ussukaranni dalle’mu, lako batu iato munii untongkai tu pemala’ pantedok sia munii umbaa kande dipemalaran. La Kupomatanaraka tu apa iato?

YEREMIA 7:18

Iatu mai anakna urruruk kayu sia iatu ambe’na umpadukku api na iatu bainena ma’gerok ta’pung la nagaragai pa’ranggina dipenomban lako datu baine dao langi’ sia untedok pemala’ pantedok lako kapenomban senga’ la umparosso penaangKu.

YESAYA 66:3

Minda-minda urrere’ misa’ sapi, samanna umpatei tau; minda-minda umpemalaran anak domba, samanna to ulle’to pasallo asu; minda-minda umpennoloan kande dipemalaran, samanna to umpemalaran rara bai; minda-minda untunu dupa napopemala’ kapengkilalan, samanna umpudi dipa’deatainna. Susitu tau iato mai unturu’ lalan pa’poraianna, sia umposende penggauran megi’giranna,

YESAYA 65:11

Apa iatu kamu, e mintu’ to untampe PUANG, tu tang ungkilalai buntu maindanKu, sia to umpasakkaran kande Gad sia to umbolikan apa dipairusan Meni.

SURA’ KATOMINAAN 23:13

sisola kande dipemalaran, iamotu ta’pung manisak duang taan sangpulona dipasigerok minna’, la dipopemala’ pantunu, la Napobau busarungngu’ PUANG, situang uai anggoro’ taa penna’pa’na misa’ hin dipopemala’ pantedok.

KADADIAN 35:14

Naosokmi Yakub misa’ tanda dianna batu silambi’ dio to’ inan Nanii Puang ma’kada lako kalena, iamo batu, tu misa’ tanda dianna batu silambi’ anna pato’doi anggoro’ dipennoloan sia nabolloi minna’.