PA’PUDIAN 16:10 - Sura' Madatu

¹⁰ Belanna tae’ Mila unneloranni tu sumanga’ku tama lino to mate, sia tae’ Mieloranni tu to Mipakaboro’ unnisungi inan tang merambu.

PA’PUDIAN 16:10 Referans Kwoze

PA’PUDIAN 49:15

Tau iato mai susi domba tileak tama lino to mate, na iatu to mangkambi’na iamotu kamatean; na to ma’bulo lollong la umparentai, ke melambi’; sia iatu a’gan merrupanna la naputtai lino kamatean, naurunganni tae’mo inanna.

KADA OMBO’ LAKO RASULU’ YOHANES 1:18

sia tuo. MangkaMo’ mate, apa tiromi, totemo tuoMo’ tontong sae lakona, sia untoe gonting kamatean sia lino to mate.

KADA OMBO’ LAKO RASULU’ YOHANES 20:13

Anna pasun nasangi tasik tu to mate lan, sia iatu kamatean sia lino to mate umpasun dukai tu to mate lan; anna pantan dipaolai salunna sitinaya penggauranna.

LUKAS 16:23

Mate dukami tu to sugi’, nadipeliang. Iatonna lanmo naraka, maparri’mi nasa’ding, umbangunammi matanna, natiro mambelai tu Abraham sola Lazarus diong rianna.

LUKAS 1:35

Mebalimi tu malaeka’ lako nakua: Iamotu Penaa Masallo’ la songlo’ lako kalemu sia kamatotoranNa Puang Patodoranna unnonganniko, iamoto dadi iatu Pia la mudadian la disangai Pia masallo’ sia AnakNa Puang Matua.

YESAYA 14:9

Iatu lino to mate diong marongka belanna iko, la morai ussitiroangko, ke saeko; belanna tete dio iko napamillikki tu mai bombo to mate, iamotu mai bembe’ laki lan lino, mintu’ datunna bangsa napake’de’ dio mai to’ isungan kapayunganna.

PA’TOLE 32:22

Belanna misa’ api dukku lan kare’dekan ara’Ku; tu ma’kande sae rokko to’ mandalanna lino to mate; pura nalalle tu kapadanganna sola burana, sia namampu’i tu garonto’na mintu’ buntu.

1 KORINTUS 15:42

Ten dukamoto tu kamalimbangunanna to mate. Diambo’ sangindo’ a’gan kasanggangan, dipamalimbangun sangambe’ a’gan tang kasanggangan;

KADIBILANGAN 6:6

Lan mintu’ attu nanii umpamarimbangan kalena lako PUANG, da’ nareke’i tu to mate.

SURA’ KATOMINAAN 19:28

Da mitori-tori’i tu kalemi belanna kamatean sia da mitoboi passura’ tu kalemi: Akumo tu PUANG.

LUKAS 4:34

Popa’elo’nakan kami, la siapariki’ e Yesu, to Nazaret! SaeroKomika la ussanggangkan? Kuissan sia kumua mindaraKomi, iamora To masallo’ lu dio mai Puang Matua.

AMOS 9:2

Moi anna kali tau iato mai sae rokko lino to mate, la naala duka limangKu inde to diong mai; moi kendek langngan langi’, la Kupopengkalao duka inde to dao mai.

DANIEL 9:24

Pitungpulo minggunna dipamanassanni tu taummu sia kota maindanmu la ungganna’i tu kapatodo-tintingan sia la umpogau’i tu kasalan, sia la umbasei tu kakadakean, la umbaa kamaloloan sae lakona sia la ussanda tonganni patiro mendeata sia nabi, sia la umminnakki tu apa tarru’ maindan.

YESAYA 5:14

Iamoto anna la tibangnga sia la menganga tang sirua-rua tu lino to mate, anna tileak tama tu mintu’ kamala’biranna tau iato mai sola to kambanna sia kamaruasanna sia paningoanna.

SARAMBU PEADA’ 27:20

Iatu lino tomate sia bambana mukkun tae’ bang la mosona, susi dukamo tang mosona tu matanna tau.

SARAMBU PEADA’ 15:11

Iatu lino tomate sia inan kasanggangan payan dio oloNa PUANG, ondong pole’ tu penaanna ma’rupa tau!

PA’PUDIAN 139:8

Iake la lu langnganna’ langi’, na daoKomi; iake la umbambanganna’ kaleku lan lino to mate-anna lanKomi.

PA’PUDIAN 9:17

Umpasombomo Kalena tu PUANG, sia umpabantang katonganan, iatu to tang mekaaluk naala poya panggaraganna kalena. Higgayon. Sela

AYUB 11:8

Iatu iannato malangka’ ten to langi’; apara tu ma’din mupogau’? Mandalan na lino tomate; apara tu ma’din mutandai?