PA’PUDIAN 15:5 - Sura' Madatu

⁵ Iamotu to tang umpamala’da’ denne’ doi’na, sia tang ungkande pappe’ la umpandasa to tang sala. Minda-minda ungkariturui tu iannate, tae’ nala tilende’ tontong sae lakona.

PA’PUDIAN 15:5 Referans Kwoze

PA’TOLE 16:19

Da mupakelokki tu salunna; da mumentiro lindo sia da mutarima pappe’. Belanna iatu pappe’ umpabuta mata to kinaa, sia ulleko’ kada to tongan.

KATASSURAN 22:25

Iake mupaindanni doi’ tu taungKu, iamotu mai to bongko musisolan, da mubutung to pa’tungka maparrang lako kalena sia da mutuntunni tu uainna.

YEHEZKIEL 22:12

Lan tangngamu den tu to ungkande pappe’ sia unneloranni tu tau umpatibollo rara; mupalaku tu denne’ sia musanta’ tu denne’ sia muperarai sia mupakario-rio tu padammu rupa tau, apa iatu Aku tae’mo mukilalaiNa’, kadanNa Puangta PUANG.

YEHEZKIEL 18:8

tae’ napalaku denne’, ke ma’peindanni sia tae’ nasanta’ denne’, tae’ narumbui limanna tu apanna tau, sia malambu’ ma’paolai salu, ke den tau sisakka,

YOHANES 13:17

Iake mitandai tu mintu’nate, maupa’komi, ke mipogau’i.

SARAMBU PEADA’ 12:3

Tae’ tu bantang, ke tang mekaalukki, apa iatu uaka’na to malambu’ tang tibendon.

PA’PUDIAN 112:6

Belanna tae’ anna la tilende’ tontong sae lakona, sia iatu kadikilalaianna to malambu’ matontongan sae lako.

PA’PUDIAN 106:3

Maupa’ tu mintu’ to ungkaritutui katonganan, sia tontong umpogau’ malolo.

PA’PUDIAN 55:22

Iatu pudukna mandu malannang anna bumbungan pa’pamakko, apa iatu penaanna lan passigagan, sia iatu buangan kadanna mandu malamma’ anna boka’, apa mintu’nato butung to la’bo’ tibua’.

PA’PUDIAN 16:8

Dio bang lindoku tu PUANG kusa’ding; belanna dio kananku tu Puang, iamoto anna tae’ angku la tilende’.

MATIUS 26:15

sia nakua: Apara la mibenna’, ke kupa’peturoanNi tu Yesu lako kalemi? Natimbangammi salaka tallungpulo batunna.

MIKHA 7:3

Matira’ tu limanna tau iato mai umpogau’ kadake; iatu arung ma’tuntun bang sia iatu to ma’paolai salu untarima pappe’, sia iatu mai to kapua tae’ bang namasiri’ umpokada pa’poraian kalena; susimoto tu tau iato mai unnalai tu apa nakaduangi.

YEHEZKIEL 18:27

Apa iake denni misa’ to tang mekaaluk mengkatoba’ dio mai gau’ kadakena, anna pogau’i tu salunna sia kamaloloan, manassa la ungkaritutui katuoanna.

YEHEZKIEL 18:17

tae’ narumbui limanna tu apanna tau, tae’ napalaku denne’ sia tae’ nasanta’ denne’, ungkaritutui atorangKu sia lolang unturu’ apa Kupondok tae’ nala mate belanna kakadakeanna ambe’na, manassa la tuo.

YESAYA 33:15

To umparri-parri kamaloloan sia umpokada apa tongan; tu untumpu saro bu’tu kadake tu lu dio mai pa’pakario-rio; tu tang tikarang limanna untarima pa’pappe’, tu untampun talinganna da narangii tu tangnga’ la papatean sia untutu’ matanna, da natiro apa kadake.

KATASSURAN 22:24

la re’dek tu ara’Ku, angKu pateikomi pa’dang sia mintu’ bainemi la balu sia anakmi la biung.

PA’TOLE 23:21

Iake mangallonangko lako PUANG, Kapenombammu, da mumarempa umpalanda’i, belanna iatu PUANG, Kapenombammu, inang Natuntunko kumua la mupalanda’, sia manassa kasalangko.

1 SAMUEL 12:3

Totemo ma’diorenmo’. Pamatu’tunmi lako kaleku dio oloNa PUANG sia dio olona to Natokko, kumua: mindamora sapi kuala, mindamora keledai kuala sia mindamora kupakario-rio sia mindamora tu tang kupaolai salunna? Sia mindamora lima kunii untarima pappe’ kuurunganni untutu’ matangku diona kara-karana? Iake denni susinnato la kusondai sule lako kalemi.

SARAMBU PEADA’ 10:30

Iatu to malambu’ tae’ nala tibendon len sae lakona, apa iatu to tang mekaaluk tae’ nala untorroi kuli’na padang.

SARAMBU PEADA’ 15:27

Minda-minda umbarakki saro bu’tu kadake, iamo ussanggangi banuanna; apa minda-minda ungkagi’gi’ pamengan iato, la tuo marendeng.