PA’PUDIAN 15:2 - Sura' Madatu

² Iamo tu to lolang situang penaa masallo’na sia umpogau’ kamalamburan sia umpokada tonganna tu lanna penaanna.

PA’PUDIAN 15:2 Referans Kwoze

SARAMBU PEADA’ 28:18

Minda-minda tu unnola malolo, la dilendokan, apa iatu to kelok lalanna, tang dikapang-kapang anna tobang.

KOLOSE 3:9

Da misipokadan buttok, tu belanna mangkamokomi urrampananni tu a’gan tolino masai sia mintu’ penggauranna,

EFESUS 4:25

Iamoto la mitibe tu kamo’rangan, ammi pantan ma’kada tongan lako padammi tolino, belanna sipolesoan kaleki’.

1 YOHANES 3:7

E anakku, da naden misa’ tau umpapusakomi: iatu to umpogau’ kamalamburan, iamo malambu’, susi Kristus malambu’;

1 YOHANES 2:6

Iatu to ussanga kalena torro lan Puang sipato’ ia la umpalolang kalena susi Kristus mangkamo umpalolang Kalena.

EFESUS 2:10

Belanna kita te panampaNaki’, Napadadiki’ lan Kristus Yesu la umpogau’ kameloan, tu Naparandan dolomo Puang Matua, kumua anta karitutui tu mintu’nato.

PENGGAURANNA RASULU’ 10:35

sangadinna lan mai mintu’na bangsa minda-minda tu ungkataku’i sia umpogau’ kamaloloan, iamo Naporai.

MIKHA 2:7

Ma’dinraka dipokada tu kada susito, e bati’na Yakub! Kondi’raka tu kama’tanan penaanNa PUANG, susiraka to tu penggauranNa? Tang masokanraka tu kadangKu lako to malolo gau’na?

PA’PUDIAN 24:4

Iamotu to masero pindan limanna sia sallo’ penaanna, tu tang ungkabarii tang kebattuanna, sia tang umpalao sumpa tang tongan.

IBRANI 11:33

Bannang dio dukamora kapatonganan anna untalo ba’tu pira-pira parenta, umpogau’ kamaloloan, unnappa’i tu apa diallu’, ungkamummu’ sadang singa,

YESAYA 33:15

To umparri-parri kamaloloan sia umpokada apa tongan; tu untumpu saro bu’tu kadake tu lu dio mai pa’pakario-rio; tu tang tikarang limanna untarima pa’pappe’, tu untampun talinganna da narangii tu tangnga’ la papatean sia untutu’ matanna, da natiro apa kadake.

GALATIA 2:14

Apa iatongku tiroi tu gau’na tinde tau tang situru’mo kamanapparanna Kareba-kaparannuan, kukuami ungkuan Kefas dio tingayona mintu’ tau: Iake to Yahudiko, ammu ma’gau’ to kapere’, tang ma’gau’ to Yahudi, umba la mukua umparukui tu to kapere’ ma’gau’ to Yahudi?

ROMA 2:10

apa kamala’biran sia kadipangkeran sia kamarampasan urrampoi mintu’ to umpogau’ kameloan, ondonganna to Yahudi sia to Yunani duka.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.

1 YOHANES 2:29

Na iake miissanni kumua malambu’ tu Puang, manassa miissan duka kumua minda-minda umpogau’ kamalamburan, iamo lu dio mai Kalena.

LUKAS 1:6

Iatu tau sola duai malambu’ penaanna langngan Puang Matua, napengkaolai bang tu pepasanNa sia Sukaran alukNa Puang, tae’ napasalai penaa.

YESAYA 63:8

Nakuami: TaungKu duka tu tau iato mai, iamo pia tang la mo’rang, nasusito Iamo dadi To parampananna.

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

SARAMBU PEADA’ 20:7

Iatu to malambu’ ma’gau’ malolo la maupa’ tu mintu’ anakna undinna.