PA’PUDIAN 149:3 - Sura' Madatu

³ La ma’gellu’ sola nasangi umpudi sanganNa PUANG, la ma’ganda’-ganda’ sia la massu’dekan umpakendekan pa’pudian Puang!

PA’PUDIAN 149:3 Referans Kwoze

YEREMIA 31:13

Attu iato iatu mintu’ anak dara parannu-rannu ma’gellu’, susi dukato tu muane mangura sia to matua parannu-rannu, belanna la Kupopembali kasendean tu passanda bolongna tau iato mai, sia la Kupakatana sia Kupakarannu, ke upu’mi tu kamasussanna.

PA’PUDIAN 81:2

Ra’ban-ra’bankomi umpenanian Puang Matua, tu tapopamuntu, pela’tekanni tu Kapenombanna Yakub.

KATASSURAN 15:20

Naalami Miryam, nabi baine, anak daranna Harun tu ganda’-ganda’, anna tassu’ tu mintu’ baine unturu’i, anna undedek ganda’-ganda’ sia ma’gellu’.

PA’PUDIAN 30:11

Patanannina’ talinga, o PUANG, sia kamaseina’, o PUANG, melo ke Kamumo patunduangku.

2 SAMUEL 6:16

Iatonna rampomo tu pattinNa PUANG tama kotana Daud, ta’kala mentiromi tu Mikhal, anakna Saul, dao mai pentiroan banuanna. Iatonna tiromi tu datu Daud tumbang-tumbang sia unnondo dio oloNa PUANG, nasayumi lan penaanna.

2 SAMUEL 6:14

Tumbang-tumbangmi tu Daud dio oloNa PUANG sia ma’bayu lenang busa.

TO PARENGNGE’ 11:34

Iatonna sulemo tu Yefta lako Mizpa, lako to’ banuanna, natiroi tassu’mo tu anakna umpessitammui, umpannoni ganda’-ganda’ sia ma’gellu’. Iamo anak tungga’na, tae’mo anak senga’na la muane la baine.

PA’PUDIAN 33:2

PudiMi tu PUANG naturu’ oni katapi, sia penanianNi pa’pudian naturu’ dandi sangpulo ritinna.

EZRA 3:10

Iatonna mangkamo naoton mintu’ pande tu parandangan Banua kabusunganNa PUANG, ke’de’mi dio to’ inanna tu mai to minaa ma’pakean pangka’, sitangke tarompe’na sia mintu’ to Lewi, iamotu bati’na Asaf, sitangke taa’-taa’, la umpudi-pudi PUANG susitu napa’patuduan Daud datu to Israel.

1 OSSORANNA DATU 16:42

Iatu Heman na Yedutun umbaa tarompe’ sia taa’-taa’ la napake to umpannoni sia oni-onian la unggamarai penanian umpangke’ Puang Matua. Na iatu bati’na Yedutun iamo ungkampai babangan.

2 OSSORANNA DATU 29:25

Nasuami tu to Lewi bendan sikandappi’ banuanNa PUANG untangke taa’-taa’, dandi sia katapi, susitu napasan Daud sia Gad, to patanda-tandanna datu sia nabi Natan, belanna iatu pepasan iato Napokada PUANG nalopian tu mai to minaanna.

1 OSSORANNA DATU 25:6

Mintu’i te napangului ambe’na unnala nanian lan banuanNa PUANG, ke umpannonii taa’-taa’, dandi na katapi, lan kamenomban lan banuanNa Puang Matua, tu napamanassa datu, iamotu napangului Asaf, Yedutun na Heman.

2 OSSORANNA DATU 20:28

Malemi lako Yerusalem tama banuanNa PUANG umbaa dandi, katapi sia tarompe’.

PA’PUDIAN 81:3

Menanikomi, sia pannonii tu ganda’-ganda’, sia katapi merio’-rio’ oninna sia dandi.

PA’PUDIAN 87:7

Na iatu to sumengo sia iatu to sumayo la ma’kada kumua: O Sion lan lili’mu tu nanii mintu’ kalimbuang bobaku!

YEREMIA 31:4

La Kubangunangko sule, ammu bendan sule, e anak dara Israel! La ma’beloko sule sia ma’dedek ganda’-ganda’ ammu tassu’ sola to ma’marua’-rua’ ma’gellu’.