PA’PUDIAN 149:2 - Sura' Madatu

² La naposande’ to Israel tu To manampana, sia la sila’tekan tu pia to Sion belanna diona Datunna!

PA’PUDIAN 149:2 Referans Kwoze

YESAYA 54:5

Belanna iatu muanemu, Iamo To tumampamu, PUANGna mintu’ ma’dandan maritik sanganNa; sia iatu Pela’bakmu, iamo To maserona to Israel, tu digente’ Kapenombanna mintu’ lino.

YESAYA 52:7

Tang pada melona dao lu buntu tu lentekna to umpatale’ kareba diona kasendean tu umpa’peissanan kamarampasan, tu umbaa kareba melo, tu umpakalelean kasalamaran, tu ma’kada lako Sion, nakua: Iatu Kapenombammu iamo Datu.

PA’PUDIAN 95:6

Maikomi anta tukku menomba, anta malinguntu’ dio oloNa PUANG, Totumampata.

LUKAS 19:38

nakua: Kurre sumanga’na tu Datu, sae umpotete sanganNa Puang; Kamarampasan dao suruga, Kamala’biran lan inan madona!

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

YOËL 2:23

E kamu, mintu’ to Sion, sila’tekangkomi sia parannu-rannukomi tete dio PUANG, Kapenombammi, belanna Nabenkomi to mangada’ lako kamaloloan, ondongpi Napasaeangkomi uran kamban, uran bunga’ sia uran tampak, susi dolona.

AYUB 35:10

apa tae’ nama’kada tu tau, kumua: Umbamira tu Puang Matua, tu To Tumampaku, tu umpopenanikan ke bongi;

PA’PUDIAN 47:6

Kendekmo tu Puang Matua langngan naturu’ arrak, Iamotu PUANG, naturu’ oni tarompe’ pua.

1 SAMUEL 12:22

Apa tae’ Natibei PUANG tu taunNa, belanna sanga kapuaNa. Inang Nakaelo’i PUANG umpadadikomi taunNa.

PA’TOLE 12:7

Indemoto la minii kumande dio oloNa PUANG Kapenombammi, sia parannu la kamu la iatu mintu’ to lan banuammi diona tu mintu’ apa mitoe tu Nanii PUANG, Kapenombammi umpamasakkekomi.

KADA OMBO’ LAKO RASULU’ YOHANES 19:6

Den kurangi susi gamara to buda sia susi ongngo’ uai buda, sia guntu’ menanan ma’kada nakua: Haleluya! Belanna ma’parentamo tu Puang Kapenombanta, Puang Umpoissan angge maritik.

FILIPI 3:3

Belanna kitari te tu umpogau’ sunna’ tongan, kitari tu menomba unturu’ PenaanNa Puang Matua, sia massattuan tu belanna Kristus Yesu, sia tang urrannuan a’gan tolino;

YOHANES 19:15

Apa ramban tu tau metamba nakua: Tombonni lao, tombonni lao! a’ta’I Ia tu! Nakuami Pilatus ungkuanni: Sipaturaka la kua’ta’ tu datummi? Nakuami mintu’ pangulu to minaa mebali: Tae’ kami datungki senga’na, ia manna tu datu kapua.

LUKAS 19:27

Apa iatu mintu’na ualingku, tu manokana umpodatuna’, solanni mai ammi patei dio tingayoku.

MATIUS 25:34

Namane ma’kada tu Datu lako tu to dio rampe kananNa kumua: Maimokomi, e kamu tu Naparongko’na Ambe’Ku, ammi pomana’i tu mana’, iamotu kadatuan diparandanangkomi tempon dio mai dikombongna tu lino.

MATIUS 21:5

Pokadanni anak dara Sion, kumua: Tiromi tu Datummu sae lako kalemu, umpamadiongan penaanNa, ussakei keledai, keledai lundara, anak patuoan dipassampei.

YESAYA 43:15

Akumo tu PUANG, To maseromi, To tumampamana Israel, Datummi.

HABAKUK 1:12

O PUANG, tae’raka na Kamu tu Kapenombangku tempon dio mai sia To maseroku? Tae’ kila mate. O PUANG, Kamumo umpadenni tu tau iato mai la mangukung, sia o Buntu Batu, Kamu umpamanassai tu tau iato mai la umpalalo peada’.

ZEFANYA 3:14

Mela’tekko, e anak dara Sion, unnarrakko, e Israel; sende paimanko sia ponno penaammu parannu-rannu, e anak dara Yerusalem.

ZEFANYA 3:15

Napa’deimo PUANG tu kadiukungammu, Naputtaimo tu ualimmu. Iatu Datunna Israel, iamotu PUANG, lan lu tangngamu, tae’mo mula ungkataku’i tu kamandasan.