PA’PUDIAN 148:8 - Sura' Madatu

⁸ E api, sia uran batu sia ambun makko na rambu roya, e angin bara’, tu umpalolang kadanNa Puang.

PA’PUDIAN 148:8 Referans Kwoze

KADA OMBO’ LAKO RASULU’ YOHANES 16:21

Saemi tu uran batu kamban unta’pai tolino, agi-agi sangtalenta magasanna ke misa’i, napa’kada solangimi tolino tu Puang Matua belanna kamaparrisan uran batu, apa lendu’ kapuana tu kamaparrisan iato.

YUNUS 1:4

Apa Napasae PUANG tu angin bara’ dao tasik, anna ma’pamumbuk lan tasik, naurungan iatu kappala’ sidi’mora nasabu’.

AMOS 7:4

Susite tu apa Napatiroanna’ Puangta PUANG: Manassa untambai api la umpalalo ukungan. Api iato napamarangke tu uai kapua sia la nakande duka tu pa’pa’lakan.

AMOS 4:13

Belanna tonganna Puangmo tu ungkombong buntu sia umpadadi angin, sia umpokadanni tolino tu apa lan penaanna, sia umpopemmalillinni tu arrang melambi’, sia unnola inan madao dao kuli’na padang – PUANG, Kapenombanna mintu’ ma’dandan maritik, iamoto tu SanganNa.

YOËL 2:30

Sia la umpadenNa’ ba’tu pira-pira tanda kalle-kallean dao langi’ sia dao kuli’na padang, iamotu rara, api sia ba’tu pira-pira lentong rambu.

YESAYA 66:16

Belanna api sia pa’dangna la Napaolanni PUANG salunna tu mintu’ ma’rupa tolino, sia la buda liu tu tau Napatei PUANG.

PA’PUDIAN 103:20

Pudimi tu PUANG, e mintu’ malaeka’Na, e mintu’ to lalong, tu umpogau’ kadanNa. Sia umperangii kadanNa!

PA’PUDIAN 18:12

Malillin Napopembungku’, sia Napopentirerungan untikuI, iamotu uran pittuk sia salebu’ makamban.

YOSUA 10:11

Iatonna mallaimo tu tau iato mai dio mai tingayona to Israel sia umpolalanmo mennaa’na Bet-Horon, Naurannimi PUANG batu kapua dao mai langi’ sae lako Azeka, namate tu tau iato; iatu to mate narua batu mandu buda na iatu to napatei pa’dang to Israel.

KADIBILANGAN 16:35

Songlo’mi tu api dao mai PUANG, anna pisanni tu muane duaratu’ llimangpulo, tu to umpemalaran dupa.

SURA’ KATOMINAAN 10:2

Tassu’mi tu api dio mai oloNa PUANG, anna kandei te tau sola duai, namate dio oloNa PUANG.

KATASSURAN 14:21

Napa’dulluammi Musa tu limanna tama tasik anNa pasoro’i PUANG tu uai tasik iato Napairi’i angin bara’ lu dio mai rampe matallo situ’turan bongi iato Napopempadang marangkei tu tasik, anna tipa’dua tu uainna.

KATASSURAN 10:19

Napasaeammi PUANG angin matampu’ lendu’ ma’pamumbukna, anna iatu mintu’ batik napettiaran, napoli’i tama tasik Teberau; moi misa’ batik tae’mo torro lan mintu’ lili’na tondok Mesir.

KATASSURAN 10:13

Naangka’mi Musa tu tekkenna umpapatui tondok Mesir, pakalan Napasaemi PUANG tu angin lu dio mai rampe matallo tama tondok iato sangallo sangbongi, na iatonna masiang ta’pa napakendekmi angin matallo tu mintu’ batik.

KADADIAN 19:24

Mangkato napaurannimi PUANG dao mai langi’ uran solo’ sia api lu dio mai PUANG, tu kota Sodom na Gomora.

AYUB 37:12

anna mellepa’ male tiku lao unturu’ parentaNa, la umpalanda’i tu mintu’ apa Napa’pesuan dao lipu daenan;

YUNUS 1:5

Mataku’mi tu mintu’ to ma’kappala’ sia pantan metamba lako deatanna, sia iatu apa nabaa kappala’ napembuangammo rokko tasik la umpamaringanni tu kappala’. Apa iatu Yunus mengkalaomo rokko sulluk kappala’, anna bambangan kalena diong sia leppeng mamma’.