PA’PUDIAN 148:7 - Sura' Madatu

⁷ Pudimi tu PUANG diong mai lino, e mintu’ olo’-olo’ kalle-kallean lan tasik sia liku mandalan,

PA’PUDIAN 148:7 Referans Kwoze

KADADIAN 1:21

Napadadimi Puang Matua tu bale kapua sia mintu’ olo’-olo’ sisayoan, tu sibi’tokan lan to’ uai, situru’ a’ganna, sia mintu’ manuk-manuk kepani’ situru’ a’ganna. Natiroi Puang Matua, kumua melo.

YESAYA 43:20

Mintu’ olo’-olo’ dio lu padang la umpakala’bi’Na’, susi dukato tu serigala sia burung unta, belanna Kubenmo uai dio lu padang aak, sia salu dio lu padang, la Kupairusanni tu mai taungKu tu Kupilei langsa’.

YESAYA 27:1

Attu ia dukato iatu PUANG la umpapakkanni pa’dang bassi barani, kapua sia matoto’Na tu Lewiatan, ula’ mandirri’, tu Lewiatan ula’ tikolik len sia la Napatei tu naga lan tasik.

1 DATU 13:28

Ke’de’mi male, anna lambi’i tu batang rabuk sumpandan dio lalan; na iatu keledai sola singa bendan bang dio la’pek batang rabuk iato; iatu batang rabuk tae’ anna kande lenni singa, sia tae’ anna dammakki tu keledai.

PA’PUDIAN 104:24

Tumba ia budanna tu mintu’ penggauramMi, o PUANG! Kamumo tu mangka ungkombong nasangi to tete dio kamatarrusamMi; anna ponnoi pa’padadimMi tu lino.