PA’PUDIAN 148:14 - Sura' Madatu

¹⁴ Iamo umpalayanganni misa’ tanduk tu taunNa, tu napotarompo’ mintu’ to masallo’Na, iamotu to Israel, bangsa mase’pon dio Kalena! Haleluya!

PA’PUDIAN 148:14 Referans Kwoze

PA’PUDIAN 75:10

Apa iate aku la tontong bang kupa’peissanan tu iannato, sia umpakendekan pa’pudian Kapenombanna Yakub.

EFESUS 2:17

AnNa sae umpa’peissanan Kareba-kaparannuan diona kasikaeloan lako kamu tu mambelanna sia lako duka mandappi’na,

PA’TOLE 4:7

Belanna bangsa kapua umbara tu den deatanna mengkareke’ lako kalena susito, susi PUANG, Kapenombanta, ba’tu pempiran-pirangki’ metamba lako Kalena?

1 SAMUEL 2:1

Massambayangmi tu Hana, nakua: Iatu penaangku sende-sende angku kumalasi diona PUANG, sia dipataranggamo tu tandukku tete dio PUANG, sia tibungka’mo tu pudukku umbali mintu’ ualingku, belanna kupoparannumo tu kasalamaran lu dio mai Kalemi.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

PA’TOLE 10:21

Puang Iamo kadipudiammu sia Puang Iamo Kapenombammu, tu mangka umpogaurangko te mai apa tarompo’ sia metakuran tu mutiro kalena.

PA’PUDIAN 112:9

Tibungka’mo pala’ mamasena sia mamengan lako to mase-mase, iatu kamaloloanna tontong sae lakona, sia salobo’-lobo’na tu tandukna mala’bi’.

EFESUS 2:13

Apa kamu tu mambela dolona, totemo tete dio Kristus Yesu, anna popengkareke’mokomi raraNa Kristus.

PA’PUDIAN 149:9

Sia anna pogau’i lako tu pangra’ta’ mangka tisura’. Iamotu kamala’biranna mintu’ to masallo’Na. Haleluya!

EFESUS 2:19

Nasusito tae’mo mitosae sia to mentiruran, sangadinna sangtondokmokomi tu mai to masallo’ sia sikurinmokomi lan banuanNa Puang Matua,

LUKAS 2:32

Iamotu parrang unnarrang to kalillinan sia misa’ kamala’biran lako taumMi to Israel.

LUKAS 1:52

iatu to kapua Napasule rokko tu pangka’na na iatu to barinni’ Napamadoan,

YEREMIA 17:14

O PUANG, pamatanana’ angku matana; tunduina’ angku makarimman belanna Kamumo tu kapudiangku.

PA’PUDIAN 145:10

Mintu’ penggauramMi la umpudiKomi, o PUANG, sia mintu’ to masallo’Mi la umpangke’Komi;

PA’PUDIAN 92:10

Belanna manassa mintu’ ualimMi, o PUANG, manassa mintu’ ualimMi la sanggang. Sia mintu’ tu to umpogau’ kakadakean la dipasisarak-sarak.

PA’PUDIAN 89:17

Tu belanna sangamMi anna mela’tek tu tau iato mai kiallo-kiallo, sia tete dio kamaloloamMi anna dipamatande.

PA’PUDIAN 89:18

Belanna Kamuri tu napomala’bi’ kamatotoranna, sia diona kamasorokamMi amMi pataranggai tu tandukki.