PA’PUDIAN 147:11 - Sura' Madatu

¹¹ Iatu PUANG Naporai tu to ungkataku’I, sia iatu to urrannuan kamasokananNa.

PA’PUDIAN 147:11 Referans Kwoze

PA’PUDIAN 33:18

Manassa iatu matanNa PUANG tontong untiro to ungkataku’I, sia to umpeagi kamasokananNa Puang,

ZEFANYA 3:17

Iatu PUANG, Kapenombammu, lan lu tangnga’mu, iamotu to lalong mangrampanan. La parannu tu Puang umposendeko, la umpakappa kaleNa tete dio pa’kaboro’Na; la mela’tek sia unnarrak umpopaimanko.

PA’PUDIAN 149:4

Belanna iatu taunNa naala penaanNa PUANG, sia Napapakei kasalamaran tu to sorong inaa.

YESAYA 62:4

Tae’mo nala ungkuangko tau kumua: To ditampe, sia tae’mo nala ussangai tau tu tondokmu Tondok talo; sangadinna la nasangaiko tau: To Kupopaiman, na iatu tondokmu disangai: To kemuanemo. Belanna Napopaimanko PUANG sia iatu padangmu la dipopendapo’.

PA’PUDIAN 33:22

O PUANG, sangapaoi anna rondongkan kamasokanamMi. Susitu kadirannuanamMimo.

PA’PUDIAN 35:27

Melo ke mela’tekki sia sende paimanni tu mintu’ to umporai tu kaunnolaiangku salu; sia la tontong napokada kumua: Kapua paanNa tu PUANG. Tu umporai taunNa ke unnappa’i kasalamaran.

SARAMBU PEADA’ 31:30

Iatu kamaballoan pa’kaleanna misa’ baine ma’pakena sia iatu kameloan pantarisanna tae’ gai’na, apa misa’ baine ungkataku’ PUANG, iamo sipatu dipudi.

SARAMBU PEADA’ 11:20

Iatu to leko’ penaanna Nakagalli PUANG, apa iatu to malolo gau’na iamo Naposende.

1 PETRUS 1:17

Iake misa’bu’i Ambe’, tu mangra’ta’ tang pakayun bimbang sitinaya penggauranna simisa’-misa’ tau, dadi la lolang mataku’komi, angge mempuemipa lan te lino,

1 PETRUS 1:13

Iamoto pamataranni tu tangnga’mi sia maingarangkomi sia rannuan tongan-tonganni tu pa’kamasean la diparampo lako kalemi, ke attunnami sombo tu Yesu Kristus.

1 PETRUS 3:4

sangadinna sipa’ malammak diong ba’teng, tu umpake pakean tang la sanggang, iamotu kedo sorong inaa sia kappa, tu kapua angga’na dio oloNa Puang Matua.

KADIBILANGAN 14:8

Iake naalaki’ penaanNa PUANG, manassa Nabaaki’ tama tondok iato sia Nakamaseangki’, iamotu misa’ tondok sebo pangandu’ sia tani’ enoan.