PA’PUDIAN 146:9 - Sura' Madatu

⁹ PUANG urrinding pala’ to sae, sia ungkulambu taruno pia biung sia baine balu, apa iatu lalanna to tang mekaaluk Naempai.

PA’PUDIAN 146:9 Referans Kwoze

PA’PUDIAN 68:5

Penanianni tu Kapenomban, pakendekanni pa’pudian tu sanganNa, ranteanni batattaNa tu To ma’kareta dio lu padang alla’; iatu sanganNa digente’ PUANG, ammi lo’dok to kaiyangan dio oloNa.

PA’PUDIAN 147:6

PUANG umpabatta’ to sorong inaa, apa mintu’ to tang mekaaluk Napamadiongan sae rokko padang.

MALEAKHI 3:5

La Kureke’komi ma’paolai salu, sia madoi’Na’ umpasalai tu to balik mata, tu to pasandak salu lako rampanan kapa’, tu to umpalao sumpa tang tongan, tu to umpatadang sarona to sumaro, tu to umpakario-rio baine balu sia pia biung, tu to untumpu to sae, apa tae’ nakataku’Na’, kadanNa PUANGna mintu’ ma’dandan maritik.

YEREMIA 49:11

La kukaritutui tu mintu’ anak biungmu sia melo ke rannu lakoi kaleku tu mintu’ baine balummu.

SARAMBU PEADA’ 15:25

Iatu banuanna to matampo la Narondon PUANG, apa Napabantang tu katonan padangna to balu.

YAKOBUS 1:27

Iatu kapengkaolan masero sia tae’ sayuanna dio oloNa Puang Matua, Ambe’, iamote: unto’longi pia biung pu’pu’ sia baine balu lan kamasussanna, sia ungkaritutui kale dio mai kamaruttakanna te lino iate.

SARAMBU PEADA’ 4:19

Iatu lalanna to tang mekaaluk susi kamapittukan; tae’ naissanni tu apa ma’din la nanii titodo.

PA’PUDIAN 145:20

Iatu PUANG urrinding pala’ mintu’ to ungkamali’I, apa Nasabu’i tu mintu’ to tang mekaaluk.

1 KORINTUS 3:19

Belanna iatu kakinaanna te lino mendadi pa’popetaa lako Puang Matua. Apa den disura’ nakua: Tangnga’na kalena tu to matangngaran Nanii Puang untingkanni.

HOSEA 14:3

Saemokomi umparampoi tu pangakuan kasalan, sia mengkatoba’ lako PUANG, ammi ma’kada lako Kalena kumua: Pa’dei nasangi tu mintu’ kakadakeangki, ammi katuru-turuikan; kipennoloammo tu pangakuan dio randan pudukki butung to sapi laki dipangurrandean.

PA’PUDIAN 18:26

Lako to maruru’ Mikaruru’i duka, sia lako to tae’ sayuanna, Mipemaloloan penaa,

ESTER 9:25

Apa iatonna malemo (tu Ester) mennolo lako datu, napatassu’mi datu tu sura’ parenta, kumua iatu tangnga’ kadake tu natangnga’ unnea to Yahudi, la sule ta’pa dao ulunna. Iatu Haman sia mintu’ anakna muane nasula tau lako misa’ lentong.

ESTER 7:10

Nasulami tau tu Haman dao lentong tu napabendanan Mordekhai. Namane pa’de tu kare’dekan ara’na datu.

ESTER 5:14

Ma’kadami tu Zeresh, bainena, sia mintu’ sangmanena lako nakua: Melo ke digaragai tu misa’ lentong kayu, limangpulo siku langka’na ammi mela’bik umpokadanni datu masiang anna sulai tau tu Mordekhai inde to dao; namangkato mimane sende male sola datu lako pa’maruasan iato. Naporaimi Haman te kada iate, namesua unggaragai misa’ lentong.

2 SAMUEL 17:23

Iatonna tiromi Ahitofel, kumua tae’ nadituru’ tu pa’timbangna, nalapikkimi tu keledainna, anna male lako banuanna dio tondokna; iatonna mangkamo umpasanni tu mintu’ to lan banuanna nataa-taanni tu apanna, untoke’mi kalena; susimo kamateanna to, anna dilamun diong panglamunanna ambe’na.

2 SAMUEL 15:31

Attu iato napokadami tau lako Daud nakua: Iatu Ahitofel dio lu sola tu to sipakulu-kulu Absalom. Nakuami Daud: O PUANG, padampai tu pa’timbanganna Ahitofel.

PA’TOLE 16:11

La parannu-rannuko dio oloNa PUANG, Kapenombammu, iko sola tu mai anakmu muane sia iatu mai anakmu baine, kaunanmu muane sia ia tu mai kaunanmu baine, sola to Lewi, tu torro lan babangan kotamu, sia to sae, sia pia biung sia baine balu, tu misisolan, dio inan tu la Napilei PUANG, Kapenombammu, la Napannii sanganNa dio.

PA’PUDIAN 10:14

Manassa Mitiro tu iannato, belanna Mitiro tu kamaparrisan sia Karossoinaan. La Mipapakkanni lan lisu pala’Mi, lako duka Kalemi nanii umpasande’ kalena tu to mase-mase; belanna inang Kamu tu patunduanna pia biung.