PA’PUDIAN 146:4 - Sura' Madatu

⁴ Ia anna sisarakmo angin dipudukna, sulemi lako tampa ito’na, iamotu litak, sia iato kulla’ dirande lu langngan, ta’pa pa’demi tu mintu’ lalan pa’inaanna.

PA’PUDIAN 146:4 Referans Kwoze

TOMANGADA’ 12:7

sia iatu litak sule rokko padang, susi a’gan dolona, sia iatu penaa sule lako Puang Matua, tu mangka ungkamaseanni.

PA’PUDIAN 104:29

IamMi buni lindoMi, tirambanmi, sia iamMi alami tu penaanna, matemi, anna sule lako litak.

KADADIAN 2:7

Nakombongmi PUANG Kapenomban tu tolino dio mai litak, Napamurru’i tama to’tok illongna tu penaa napotuo, susimoto tu tolino mendadi misa’ a’gan tuo.

KADADIAN 3:19

La to’dopi tu ma’pu’mu, mumane ungkande kandemu, sae lako sulemu pole lako litak, belanna dio mai dinii unnalako. Apa litakko, dadi la sule lako dukako litak!

1 KORINTUS 2:6

Iatu kakinaan kipokada duka dio lu to sundun kapatongananna. Apa tangia kakinaanna te lino sia tangia kakinaanna pangulunna te lino, tu la diputtai undinna,

PA’PUDIAN 33:10

PUANG umpatangdanun pa’timbanganna mintu’ bangsa, sia undampa tangnga’na mintu’ to sangpetayanan.

AYUB 27:3

ianna nii tongan siapi penaangku tu kaleku, sia pa’pamurru’Na Puang Matua lan to’tok illongku,

AYUB 17:11

Iatu alloku lendu’mo, sia pa’tangngarangku tang dipadadimo, sola patiro penaangku.

AYUB 14:21

Iake mala’bi’i tu anakna muane, apa tae’ naissanni; ba’tu iake mentobitti’i, moi misa’ apa tae’ natandai diona tau iato.

DANIEL 5:23

sangadinna umbali-baliorokomi Puang dao suruga, belanna napatassu’ nabaa tau lan mai banua kabusunganNa lako olomi tu mintu’ pareanan, ammi iru’i uai anggoro’ sola to ma’parentami, bainemi sia gundi’mi sia umpangke’komi rapang-rapang dipodeata salaka, bulaan, tambaga, bassi, kayu sia batu, tu tae’ napatiro sia parangi sia tang paissan, apa iatu Puang Matua, untoe bannang penaammi sia umpasirundunanni tu mintu’ lalanmi, tae’ mipangke’I.

BATING 4:20

Iatu penaa tassu’ dio to’ illongta, tu Natokko PUANG, didammak dio to’ kalo’tokna, tu tatangnga’ kumua: diong pentiongananna tanii tuo dio lu mintu’ bangsa.

YESAYA 2:22

Dadi da’mo ammi sande’ lako tolino, tu den penaa lan illongna, belanna apara la dinii unnangga’i?

PA’PUDIAN 90:3

Kamumo umpasule tolino lako litak, Mikua ma’kada: Sulekomi, e mintu’ ma’rupa tau.

AYUB 17:1

Iatu sunga’ku sanggangmo sia iatu allo katuoangku ka’tumo, ia mannamo torro tu panglamunan kupotaa.

AYUB 14:10

Apa iake misa’ muane mate, manassa sumpandan sia tang pandiu-diumo; sia iake ka’tumi sunga’na tu tolino, umbara nanii torro?

KADADIAN 6:17

Tonganna la kupasae tu uai saba’ lan te lino la ussabu’i mintu’ angge menaa nasambo langi’ sia mintu’na apa lan lino la sisarak angin dipudukna.

TOMANGADA’ 9:6

Susimoto tu kamamaliranna sia kasikabirisanna sia kamangimburuanna masaimo pa’de; sia tae’mo apa napotaa sae lakona tu mintu’na dadi lan naarrang matanna allo.