PA’PUDIAN 146:3 - Sura' Madatu

³ Da misande’ lako tu mai to la’bi’, ba’tu lako ma’rupa tau tu tae’ kasalamaran dio.

PA’PUDIAN 146:3 Referans Kwoze

YESAYA 2:22

Dadi da’mo ammi sande’ lako tolino, tu den penaa lan illongna, belanna apara la dinii unnangga’i?

PA’PUDIAN 108:12

Tang Kamuraka, o Puang Matua, tu mangka ussualekan? Tae’moraka Mila sun ussolan mintu’ to pararingki, o Puang Matua?

YESAYA 37:6

Ma’kadami Yesaya lako nakua: Inde sia tu kada la miparampoan puangmi, kumua: Iamote tu kadanNa PUANG Nakua: Da mukataku’i tu mintu’ kada, tu mangka murangi, tu napokada taunna datu Asyur umpa’kada solangiNa’.

YESAYA 31:3

Apa iatu to Mesir tolino duka, tangia Puang Matua, sia mintu’ darangna ma’a’gan duku’, tangia penaa; iake unnangka’i limanNa tu PUANG, titongko’ tu to patunduan anna songka tu to ditundui, anna sanggang sola nasangi.

PA’PUDIAN 62:9

E solaku, tontongkomi urrannuanNi, sia bungka’i tu penaammi dio oloNa; iatu Puang Matua Iamo pentirerunganta. Sela

PA’PUDIAN 60:11

Mindara tu la umbaana’ tama tondok ditambakuku, mindara tu la ussolanna’ lako Edom?

2 DATU 6:27

Nakuami tu datu: Iake tae’i Natunduiko PUANG, naumbara la kunii untunduiko? Dioraka mai panglulluran, ba’tu dioraka mai pa’parran anggoro’?

2 OSSORANNA DATU 16:7

Attu iato saemi Hanani, to patanda-tandan lako Asa, datu Yehuda, sia ma’kada lako nakua: Belanna umposande’komi datu Aram, natae’ miposande’ PUANG, Kapenombammi, iamoto na iatu surodadunna datu Aram tilendokmo dio mai limammi.

YESAYA 22:25

Attu iato, kadanNa PUANGna mintu’ ma’dandan maritik, kumua iatu paku dio to’ inan makarra’ la lento, anna le’to sia ronno’, na iatu mai apa tisedan dio la sanggang, belanna mangka Napokada PUANG.