PA’PUDIAN 146:10 - Sura' Madatu

¹⁰ Iatu PUANG, iamo Datu matontongan sae lakona, sia iatu kapenombammu, e Sion, landa’ lako disituran-turananni. Haleluya!

PA’PUDIAN 146:10 Referans Kwoze

PA’PUDIAN 10:16

PUANGmo tu Datu tontong sae lakona. Mintu’ bangsa maipi’mo lan mai padangNa.

KATASSURAN 15:18

Iatu PUANG ma’parenta tontong sae lakona.

KADA OMBO’ LAKO RASULU’ YOHANES 11:15

Iatu malaeka’ ma’pempitunna umpannoni tarompe’ puana, denmi ba’tu pira-pira gamara kapua dao suruga ma’kada nakua: Iate kadatuan lino natoemo Puangta sia To Natokko, Iamo la ma’parenta tontong sae lakona.

DANIEL 7:14

Dikamaseimi kaparentan sia kadipangkeran sia kuasa kabarrealloan, anna mintu’ bangsa sangpetayanan sia ma’rupa-rupa basa mengkaola lako kalena. Iatu kaparentanna la tontong sae lakona, sia tang la pa’de len, sia iatu kadatuanna tang la sanggang len.

DANIEL 6:26

Mangkato massura’mi tu datu Darius lako mintu’ bangsa sia to sangpetayanan sia to ma’rupa-rupa basana, tu untongkonni mintu’ kuli’na padang, nakua: Nakapuamora kamarampasammi.

YESAYA 12:6

Unnarrakkomi sia sumapukokomi, e pa’tondokan Sion, belanna iatu To maserona to Israel pasareongan illan tangngami.

YESAYA 9:7

Napasonglo’mo Puang tu misa’ kada lako Yakub, nata’pa lan Israel.

YOËL 3:17

Sia la miissan, kumua Akumo tu PUANG, Kapenombammi tu unnisung dao Sion, buntu maindanKu, sia Yerusalem la dadi misa’ inan maindan sia tae’mo nala unnolai lendu’ to tama sae.

DANIEL 2:44

Lan attunna mintu’ datu iato la Napabendan Puang Matua dao suruga tu misa’ kadatuan tang la sanggang len sae lakona sia iatu parentana kadatuan iato tang la lele len lako bangsa senga’: iamo la unnisak-nisakki sia la umputtai tu mintu’ kadatuan dipokada undinna, apa ia manna ia la marendeng sae lakona,

YESAYA 40:9

E Sion, ikomo tu umbaa kareba melo, la kendekko langngan misa’ buntu malangka’; e Yerusalem, ikomo tu umbaa kareba melo, pekapuai tonganni tu gamarammu; pekapuai tu gamarammu, da mumataku’; pokadanni mintu’ kota Yehuda kumua: Inde sia tu Kapenombammi!

PA’PUDIAN 145:13

Iatu kadatuamMi misa’ kadatuan matontongan sae lakona, sia iatu kapayungamMi tontong sipapa’.

PA’PUDIAN 147:12

Pakala’bi’I tu Puang, e Yerusalem, pudimi tu Kapenombammu, e Sion!

YESAYA 52:7

Tang pada melona dao lu buntu tu lentekna to umpatale’ kareba diona kasendean tu umpa’peissanan kamarampasan, tu umbaa kareba melo, tu umpakalelean kasalamaran, tu ma’kada lako Sion, nakua: Iatu Kapenombammu iamo Datu.