PA’PUDIAN 145:3 - Sura' Madatu

³ Iatu PUANG pasareongan, sipatu tongan dipudi, iatu kapasareongananNa tang dilambi’ diukkunni.

PA’PUDIAN 145:3 Referans Kwoze

PA’PUDIAN 147:5

Pasareoangan tu Puangta sia sumpu kuasa, tang dilambi’ tu tangnga’ kinaanNa.

ROMA 11:33

Tang pada ia mandalanna tu kasugiran kakinaanNa Puang Matua sia kapaissananNa! Tumba ia tang dilambi’na disandak tu mintu’ pangra’ta’Na sia tumba tang dilambi’na dirundunan tu mintu’ lalanNa.

AYUB 5:9

Umpogau’mo penggauran kapua, tu tang dilambi’na, sia apa memangngan tu tang dikemba’ diia’.

YESAYA 40:28

Tae’raka ammu issanni, tae’paraka ammu rangii, kumua iatu PUANG, Iamo Kapenomban matontongan, To kumombongna mintu’ randan langi’. Tang mekaboyo’ sia tang mekata’ka’, tang dilambi’ tu kamanaranganNa.

AYUB 9:10

Ia umpogau’i tu mai apa kalle-kallean, tu tang dilambi’, ondongpi tanda mangnga tang dikemba’ diia’.

PA’PUDIAN 139:6

Iatu kapaissanan iato lendu’ namangngaingku, sia lendu’ mandalanna, tang kulambi’.

PA’PUDIAN 48:1

Misa’ sengo. Pa’pudianna to Korah.

PA’PUDIAN 96:4

Belanna pasareongan tu PUANG sia sipatu tongan dipudi, mandu metakuran Ia na mintu’ deata.

AYUB 26:14

Manassa iatu iannato tampakna manna tu lalanNa, sia ia manna tu kada pa’bisikNa tarangi dio mai Puang. Mindara ma’din unnattai tu gumalugunna kamatotoranNa?

KADA OMBO’ LAKO RASULU’ YOHANES 15:3

Anna popenani nanianna Musa taunNa Puang Matua sia nanianNa Anak domba nakua: Kapua sia makalaen-laen mintu’ penggauramMi, o Puang Matua, Puang Umpoissan angge maritik; malambu’ sia tongan tu mintu’ lalanMi, o Datunna mintu’ bangsa.

1 OSSORANNA DATU 16:25

Belanna pasareongan tu PUANG sia pato’ tongan dipudi, Mandu metakuran Ia na mintu’ deata,

AYUB 36:26

Manassa iatu Puang Matua pasareongan, sia tang nalambi’ paissanta, tang dikemba’ diia’ tu taun umuru’Na.

AYUB 37:23

Iatu Puang umpoissan angge maritik tu tae’ tatandai, kapua kamatotoranNa sia kamalamburanNa; tu liu kamaloloanNa, tang umpakelok malolona.