PA’PUDIAN 143:8 - Sura' Madatu

⁸ Pasomboanna’ kamasokanamMi, ke makale’, belanna sande’ mati’na’ Kalemi; patiroanna’ tu lalan sipatu la kuola, belanna Mati’ kunii umpakendek penaangku.

PA’PUDIAN 143:8 Referans Kwoze

YESAYA 48:17

Nakua kadanNa PUANG, Pela’bakmu, To maserona to Israel, nakua: Akumote tu PUANG, Kapenombammu, tu nenne’ umpatuduko, kumua ammu maupa’, sia Aku duka urrendenko lako lalan sipatu muolai.

PA’PUDIAN 46:5

Den misa’ salu: iatu salossokna umpopaiman kotaNa Puang Matua, inan mandu maindan naisungi Patodoranna.

PA’PUDIAN 32:8

La Kupakilalako sia la Kupatuduko tu lalan sipatu la muola; la Kupokadangko tangnga’ sia la Kutuntun matako.

YESAYA 30:21

Iake la sepangkomi lako kairi ba’tu lako kanan, la murangi tu kada dipokada dio boko’mu, nakua: Iamote tu lalanna, la miolaimo.

PA’PUDIAN 59:16

Tau iato mai palong undaka’ kande, sia unnurrung-urrung, ke tae’i nadia’,

PA’PUDIAN 143:10

Patuduna’ umpogau’ pa’poraiamMi, belanna Kamumo tu Kapenombangku, sangapaoi anna rendenna’ tu Penaa masokanMi illan padang rampa’.

PA’PUDIAN 27:11

Ada’ina’ tu lalanMi, o PUANG, sia solanna’ lako lalan malolo, tu belanna mintu’ to umbalina’.

PA’PUDIAN 90:14

Pedia’i kamasokanamMi tu penaangki ke melambi’, angki mela’tek sia sende paiman angge tuoki.

BATING 3:41

Melo ke umballa’ki’ pala’ta sia ara’ta langngan Puang Matua dao suruga.

PA’PUDIAN 86:4

Pasendei tu penaanna taumMi, belanna iatu penaangku kupalumati’ Kalemi, o Puang.

PA’PUDIAN 30:5

PakendekanNi pa’pudian tu PUANG, e mintu’ tu to Naala mase, sia pudii tu sanga madatunNa.

PA’PUDIAN 119:34

Benna’ tangnga’ kinaa, angku karitutui tu sukaran alukMi, sia angku kanannangi situang penaa kalebungku.

PA’PUDIAN 119:73

LimamMimo tu ungkombongna’ sia umpatepuna’, benna’ kapaissanan angku issanni umpelada’i tu mai pepasanMi.

PA’PUDIAN 42:8

Uai saba’ sitambaian, ke mongngo’i mintu’ sarambumMi; mintu’ landa-landa sia bombangMi ussamboimo’.

PA’PUDIAN 5:8

Apa aku te la tamana’ banuamMi, belanna pa’kamasean kapuaMi, sia la tukkuna’ umpennoloi banua kabusungamMi situang kamatakuran mati’ Kalemi.

HOSEA 6:3

Moraiki’ untandai tu PUANG, tapengkullei untandai. Tonganna la bu’tu lako kaleta, susito kabu’tuanna arrang melambi’. Attu iato Nata’paiki’ susito uran, susito uran undi, tu ussakka’i padang.

TO PARENGNGE’ 13:12

Ma’kadami tu Manoah, nakua: Iake dadimi susitu kadammi, la matumbari tu katuoanna sia toeanna pia muane iato?

1 SAMUEL 23:12

Nakua pole’omi Daud: La nasorong tonganra’ka to Kehila sola mintu’ taungku lako Saul? Ma’kadami PUANG Nakua: La nasorongko tau iato mai.

PA’PUDIAN 25:20

Rinding pala’i tu deatangku sia rampananna’; da angku kasirisan, belanna Kamu kupentionganni.