PA’PUDIAN 141:6 - Sura' Madatu

⁶ Iake dipella’pakan nasangmi rokko sapak batu tu to ma’paolainna salu tau iato mai, maneri natimang tau iato mai tu kadangku, belanna marasa.

PA’PUDIAN 141:6 Referans Kwoze

2 OSSORANNA DATU 25:12

Ondongpi narampa tuo to Yehuda tu surodadunna sangpulo sa’bu, anna baai tu tau iato mai langngan botto buntu batu, anna pembuanganni dao mai botto buntu batu iato, naurungan tisepak-sepak nasang tu tau iato mai.

PA’PUDIAN 45:2

Tiakka’ tu penaangku la umpokada kada masokan, la ussengoanna’ datu, iatu lilaku susi peoki’na to malute mangoki’.

1 OSSORANNA DATU 13:2

Ma’kadami tu Daud lako mintu’ kombongan to Israel, nakua: Iake misangai melo nasituru’ pa’poraianNa PUANG, Kapenombanta, melo ke ussuaki’ pesua lako mintu’ inan, lako tu mai siulu’ tu torronapa lan mintu’ lili’na tondok Israel, sia lako to Lewi lan kota, tu nanii padang kariuanna, anna mintu’ tau iato sirampun lako kaleta.

1 OSSORANNA DATU 12:38

Mintu’i te to parari, sae unturu’ atoran kapararian, bulo lollong penaanna lako Hebron, la unnangka’i datu tu Daud, umparenta mintu’ to Israel. Sia mintu’ to Israel torronapa sanginaa la unnangka’i datu tu Daud.

2 SAMUEL 23:1

Iamote tu tampak kadanna Daud: Pa’pangada’na Daud, anakna Isai, sia pa’pangada’na to dipalayang tanduk, tu Natokko Kapenombanna Yakub, tu dikaboro’i lan pa’pudianna to Israel.

LUKAS 4:22

Natonganan nasangmi tau tu kadanNa sia napomangnga tu kada sun dio pudukNa umpabu’tu kapaimanan, nakuami tu tau: tang anaknaraka Yusuf te?