PA’PUDIAN 141:5 - Sura' Madatu

⁵ Iake napata’paina’ lima to malambu’, iamo misa’ kameloan to. Sia iake napandasana’, iamo butung dibolloi boka’ tu ulungku to, tae’ nakanokai ulungku, belanna tontong tu passambayangku unneai tu kakadakeanna tau iato mai.

PA’PUDIAN 141:5 Referans Kwoze

TOMANGADA’ 7:5

Melo ia tu umperangii peta’tanna to kinaa na iatu umperangi sengona to baga.

KADA OMBO’ LAKO RASULU’ YOHANES 3:19

Samami to Kupakaboro’, Kutarru’i sia Kuada’; iamoto pengkullei sia mengkatoba’ko.

GALATIA 6:1

E kamu sangsiulurangku, iake denni misa’ tau diappa’ umpogau’ kasalan, kamu tu Natorroinna Penaa la umpemeloi tau iato situru’ sorong inaa, ammi kanandai kalemi, da anna kamu duka narampoi peroso.

SARAMBU PEADA’ 25:12

Iatu to ma’pakilala kinaa siperangian to untananni talinga susito anting-anting bulaan sielle’ manik bulaan.

SARAMBU PEADA’ 19:25

Iake mulonga’i tu to pabe’se, la manarang tu to tang unnampui tangnga’ melo, iake muada’i tu to unnampui tangnga’ kinaa, la napopaissan tu iannato.

SARAMBU PEADA’ 15:5

Iatu tobaga tang undampang peada’na ambe’na, apa minda-minda umpalan penaa peta’tan, iamo unnampui tangnga’ melo.

2 OSSORANNA DATU 25:16

Apa marassan bangsia sipa’kada, nakuami datu lako: Naangka’rokomika tau pa’bisaranna datu? Kappakomi, apa gai’mi la napatei tau? Kappami tu nabi sia ma’kada nakua: Kuissanmo, kumua Nalampak dukamo Puang Matua la ussanggangikomi, belanna penggauran susimmi te sia tae’ miperangii tu pa’pakilalangku.

SARAMBU PEADA’ 6:23

Belanna iatu pepasan iamo misa’ palita, iatu pa’pangada’ iamo misa’ arrang, sia iatu pa’pakilala lu dio mai peada’ iamo lalan ma’palulako katuoan,

PA’PUDIAN 125:4

O PUANG, sangapaoi amMi patiroi melo tu mintu’ to melo penaanna, sia lako to ma’bulo lollong.

PA’PUDIAN 51:18

Belanna tae’ Mianga’i tu pemala’ pangrere’, kenna la susito, manassa la kupemalaran; sia iatu pemala’ ditunu pu’pu’ tae’ duka naalai penaamMi.

PA’PUDIAN 23:5

Kamumo umpalennaranna’ sandukanku, nakadongai mintu’ ualingku; sia Kamumo umbolloi minna’ tu ulungku, sebo tu irusangku.

MATIUS 5:44

Apa Aku Kukua mati’: Ala masei tu ualimmi, sia passambayanganni tu to umpakario-riokomi,

SARAMBU PEADA’ 15:22

Iatu lalan pa’inaanta tae’ nadadi, ke tae’i nadisitimbangi, apa iatu lalan pa’inaanta dadi, ke budai tau ussitimbangi.

SURA’ KATOMINAAN 19:17

Da mukabiri’ siulu’mu lan penaammu, sangadinna la mupakanaan ke unnada’ko sangtondokmu, kumua da’mo natete dio tau iato ammu passan kasalan.

SARAMBU PEADA’ 12:1

Minda-minda tu ungkamali’ peada’, iamo ungkamali’ kapaissanan; apa minda-minda tu ungkabiri’ peta’tan, iamo tobaga.