PA’PUDIAN 141:1 - Sura' Madatu

¹ Pa’pudianna Daud. Meongli’na Mati’, o PUANG, madomi’Komi sae mai kaleku, tanding talingana’, ke meongli’na’ mati’ Kalemi.

PA’PUDIAN 141:1 Referans Kwoze

PA’PUDIAN 70:5

Melo ke mintu’ to undaka’Komi umpoparannu sia umpopaimanKomi; melo ke mintu’ to ungkamali’ kamakarimmanan lu mai Kalemi, tontong ma’kada: La dipakasalle tu Puang Matua!

PA’PUDIAN 71:12

O Puang Matua, da dikka’ amMi toyanganna’; o Kapenombangku, madomi’Komi untunduina’.

PA’PUDIAN 143:7

O PUANG, madomi’Komi umbalina’, belanna sau’mo tu penaangku, da Mibunianna’ lindoMi, da angku ten to kabu’ rokko pa’tambunan.

PA’PUDIAN 40:13

Belanna ba’tu sangapamo kasanggangan tu tang dikemba’mo dibilang untikuina’; sia mintu’ kakadakeangku ullambirammo’. Naurunganni tang kukemba’ kutiro; mandu buda ia na mintu’ lamba’ beluakku, naurungan ranggangmo tu penaangku.

PA’PUDIAN 22:19

Nasitaa-taai tau iato mai tu tamangkaleku, sia nasire’tekki tu bayu lamba’ku.

PA’PUDIAN 143:1

Pa’pudianna Daud. O PUANG, perangii tu passambayangku, sia tananni talinga tu pengkamoyaku; baliina’ tete dio kamarurusamMi sia kamaloloamMi.

AYUB 7:21

Ma’apari amMi tang umpagarri’ri tu kapatodo-tintingangku? sia ma’apari amMi tang umpa’dei tu kakelokangku? Belanna madomi’na’ sumpandan lan to’ barra’-barra’; attu iato la Midaka’na’, apa ta’demo’.

PA’PUDIAN 28:2

Perangii tu pengkamoyaku, ke meongli’na’ mati’ Kalemi, sia ke umpatadona’ pala’ku lako inan mandu maindan lan kabusungamMi.

PA’PUDIAN 70:2

O Puang Matua, madomi’Komi urrampananna’, tunduina’ madomi’ o PUANG!