PA’PUDIAN 14:2 - Sura' Madatu

² Napemaranga PUANG lan mai suruga tu mintu’ ma’rupa tau la untiroi ba’tu la den siai misa’ tau unnampui tangnga’ kinaa, ba’tu la denni misa’ tau undaka’ Puang Matua.

PA’PUDIAN 14:2 Referans Kwoze

ROMA 3:11

tae’ tau misa’ manarang, tae’ tau misa’ undaka’ Puang Matua;

IBRANI 11:6

Iake tang ma’patonganni inang tae’ naalai penaanNa Puang Matua; belanna iatu to umpengkareke’i Puang Matua sipatu la nakatappa’i kumua den tu Puang Matua, sia kumua Ia umparongko’ mintu’ to undaka’ tonganNi.

KADADIAN 6:12

Natiromi Puang Matua te lino, tonganna kadake liumo, belanna mintu’ kepenaanna umbala’-bala’mo lalanna lan te lino.

DANIEL 12:10

Buda tu tau la dipamasero sia dipamatasak sia la disudi, apa iatu to tang mekaaluk la tontong lolang tang mekaaluk; moi misa’ tu to tang mekaaluk tae’ la untandai, apa iatu to unnampui tangnga’ kinaa la untandai tu iannato.

MATIUS 13:15

Belanna makarra’mo penaanna te bangsa iate, sia bantangmo pa’peranginna, sia napamamma’mo tu matanna, kumua da anna pakita tu matanna, sia parangi tu talinganna, sia mangingaran tu penaanna, namengkatoba’ sule angKu pamalekei.

2 OSSORANNA DATU 19:3

Moi susito den duka sia dio kalemi tu ba’tu pira-pira kameloan, belanna iatu mai lentong dipodeata miputtai lan mai tondok sia mipabatta’ tu penaammi undaka’ Puang Matua.

SARAMBU PEADA’ 9:16

Minda-minda tu tang unnampui tangnga’ kinaa nasepang mai, minda-minda tu tang paissan nakua ungkuanni:

PA’PUDIAN 82:5

Tau iato mai tae’ tangnga’na sia tae’ paissanna, tontong bang lolang nakabu’ kamalillinan; ia dukamoto anna tigega’ tu mintu’ parandanganna te lino.

YESAYA 63:15

Pata’paKomi matamMi dao mai suruga sia tiroi lan mai inan maindan mala’bi’Mi. Umbamira tu kamakaritutuamMi sia penggauran matoto’Mi? Tang lattu’ lako kaleku tu karantangan buaMi sia kamamaseamMi?

YEREMIA 4:22

Belanna tang paissan tu taungKu sia tae’ natandaiNa’; iatu tau iato mai susito pia baga sia tang keinaa; manarang umpogau’ kadake, apa tae’ naissanni umpogau’ melo.

YESAYA 55:6

Daka’i tu PUANG, su’ding ma’din siaPi diappa’; massambayangkomi metamba lako, su’ding mandappi’ siaPi.

YESAYA 27:11

Ianna marangkemo tu mai tangkena, direbong-rebongmi, anna sae tu mai baine umballai; belanna inang tae’ inaanna te bangsa iate, iamoto anna tae’ Nakatirinnai To pagaraganna sia tae’ anNa katuru-turui To kumombongna.

YESAYA 8:19

Iake nakuangkomi tau kumua: Ma’petiro-tirokomi lako bombo to mate sia to sola-sola bombo tu kumissak-missak sia ma’nemu-nemu – tang Kapenombannaraka misa’ bangsa tu sipatu la nanii mekutana? Pato’raka dipekutanan lako to mate tu to tuo?

SARAMBU PEADA’ 8:5

E kamu, tu tang paissanna, pelada’i tu kamanarangan, sia e kamu, tu baganna, tandai tu iannato lan penaammi.

SARAMBU PEADA’ 2:9

Attu iato la mutandai tu kamaloloan sia tonganna, sia ia duka tu kamalamburan sia mintu’ lalan melo.

PA’PUDIAN 92:6

Tangpada kapuanna tu penggauramMi, o PUANG; sia mintu’ tangnga’Mi tang dilambi’ diukkunni.

BATING 3:50

sae lako mentiro lumbang tu PUANG, sia ma’penunu dao mai suruga.

SARAMBU PEADA’ 9:4

Minda-minda tu tang unnampui tangnga’ melo, la tibalik anna sepang lu mai; naminda-minda tu tang paissan nakua ungkuanni:

PA’PUDIAN 107:43

Mindara tu kinaa? Iatu to kinaa sipatu umparinaai tu iannate, sia umpariba’tengi tu mintu’ tanda mamaseNa PUANG.

KADADIAN 18:21

iamoto angKu mengkalao totemo la lao untiroi ba’tu napogau’ nasangmi susitu sarrona rampo lako Kaleku ba’tu tae’i, angKu issanni!

KADADIAN 11:5

Ta’kala mengkalaomi tu PUANG la untiroi tu tondok sia menara tu nabangun ma’rupa tau.

YESAYA 64:1

Aa, kemMi bangngai tu mintu’ langi’, amMi songlo’, anna tigega’ tu mintu’ buntu dio oloMi,

PA’PUDIAN 69:32

Mandu naala ia penaanNa PUANG tu iannato anna iatu sapi laki, ba’tu anak sapi tu ketanduknamo sia kekanukunnamo.

2 OSSORANNA DATU 30:19

tu mintu’ to umpasakka’ penaanna la undaka’ Puang Matua, iamotu PUANG, Kapenombanna nene’ to dolona, moi anna tang sitinaya kamaseroan tu sipatu lako apa maindan.

AYUB 15:14

Umbara nakua tu tolino, anna masero, sia anna malolo tu mai to nadadian misa’ baine?

PA’PUDIAN 11:4

Iatu PUANG tongkon lan banua kabusunganNa, sia lan suruga tu isungan kapayunganNa PUANG; mentiro tu matanNa, sia kulimbang matanNa ussudi mintu’ ma’rupa tau.

YEREMIA 5:1

La lele-lelekomi lan lu batatta Yerusalem, tiro meloi sia kamantang tonganni sia daka’i lan lu tana lapangna, ke denni miappa’, moi misa’mora tau tu umpogau’ salunna sia untoe manda’ kabulo-lollongan, manassa la Kupa’dei tu kasalanna.