PA’PUDIAN 14:1 - Sura' Madatu

¹ Lu lakona pangala sengo, Pa’pudian Daud. Nakua tu to baga lan penaanna: Tae’ ia tu Kapenomban. Lendu’ ia mesolanginna sia megi’giranna tu penggauranna tau iato mai; sia tae’i misa’ umpogau’ melo.

PA’PUDIAN 14:1 Referans Kwoze

PA’PUDIAN 10:4

Nakua tu to tang mekaaluk naturu’ a’gan matampona, kumua: Tae’ ia Namepapakkanni tu Puang; belanna iatu mai passanganna nakua: Tae’ ia Kapenomban.

PA’PUDIAN 53:1

Lu lakona pangala sengo. Unturu’ baenan sengo: Mahalat. Misa’ gelong bangunan ada’na Daud.

PA’PUDIAN 92:6

Tangpada kapuanna tu penggauramMi, o PUANG; sia mintu’ tangnga’Mi tang dilambi’ diukkunni.

KADADIAN 6:5

Natiro PUANG tu kakadakeanna tolino lendu’ tongan kapuana, sia tontong bang kelok tu karangan inaanna;

MATIUS 12:34

E bati’ ula’ rame, umba la mikua umpokadai tu melona, anna kamu kalena to kadake? Belanna kala’biammira diong penaa anna ma’kada tu puduk.

LUKAS 12:20

Apa Nakua Puang Matua lako: E to baga, ia bangsiamote bongi iate nadituntun tu penaammu dio mai kalemu, namindamo la umpoapai tu mintu’na apa-apa mangka mupasakka’ to?

MATIUS 15:19

Belanna lan mai penaa sun tu tangnga’ kadake, kapapatean, pasandak salu lako rampanan kapa’, gau’ sala, kabokoan, sa’bi tang tongan, kada solang;

SARAMBU PEADA’ 1:7

Ungkataku’ PUANG iamo pamulanna mintu’ kapaissanan: apa iatu to baga ussayu kakinaan sia peada’.

TITUS 3:3

Belanna kita duka bagaki’ pirambongi’ sia pabali-bali sia pusa sia unturu’ ma’rupa-rupa kamailuan sia pa’poraian lino, tuo lan kakadakean sia kamagallian sia tumbuan biri’ sia sikabiri’.

EFESUS 2:12

Attu iato salian rindingkomi dio mai Kristus sia tae’ mitamai katongananna to Israel sia butung to saekomi tu diona basse Naallu’ Puang Matua sia tae’ mima’rannuan sia tae’ miposande’ Puang Matua lan te lino.

SARAMBU PEADA’ 27:22

Moi anna dilambuk tu to baga sola pare lan issong, inang tae’ nala sisarak tu kabaganna.

SARAMBU PEADA’ 1:22

Sangapapira, e to tang paissan, la minii ungkamali’i tu katangpaissanan, sia to pa’tellean umporai ma’telle, sia tobaga ungkabiri’ kapaissanan?

AYUB 22:13

Apa ma’tangnga’ko mukua: Apara natandai tu Puang Matua? Ma’dinraka ma’paolai salu tu Puang lan mai kapittukan?

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.

TITUS 1:16

Tau iato ussanga kalena untandai Puang Matua, apa penggauranna tang ussangai, belanna pagi’giran, sia pabali-bali sia tae’ bang patunna lako mintu’ penggauran melo.

YESAYA 1:4

Upu’ allona tu to kasalan, tu bangsa natondon kakadakeanna, bati’ to kadake sia taruk to bulituk! Natampe tu PUANG, sia nabelle’ tu To maserona to Israel sia memboko’.

PA’PUDIAN 107:17

Iatu to baga narua parri’, natumang gau’ tang malolona sia mintu’ kakadakeanna.

AYUB 15:16

ondongpissan tu to megi’giran sia to kadake liu, iamotu tolino, tu unniru’ kakadakean butung uai.

1 SAMUEL 25:25

Da nadampangi puang tu Nabal, to kadake, belanna susi sanganna susi dukato tu kedona. Nabal tu sanganna sia ia duka tu kabagan dio kalena. Iatu aku tae’ kutiroi tu taummi tu misua.

SARAMBU PEADA’ 13:19

Ianna sundunmo tu lalan inaa, napomanaman penaa, apa umpatoyang kale dio mai kakadakean napomagalli to baga.

PA’PUDIAN 73:3

Belanna ungkemburuna’ to matampo, tongku tiroi tu upa’na to tang mekaaluk.

TOMANGADA’ 7:20

Belanna tae’ misa’ to malambu’ susito dao kuli’na padang, naurunganni melona manna napogau’ sia tae’ nakasalan.

YEREMIA 5:12

Iatu tau iato mai umpeonganni PUANG sia ma’kada nakua: Tangia Ia pekapuangangki! sia: Tang narampoimoki’ kamandasan, sia tang la untiromoki’ kandean pa’dang sia karorian.

YEREMIA 6:28

Pabali-bali tongan tu mintu’ tau iato, tu tontong bang ma’palele beko; susi bangmo tambaga sia bassi, sangbulitukan nasangmo.