PA’PUDIAN 139:24 - Sura' Madatu

²⁴ manta-mantana’, ba’tu tang denri lalan kadake bu’tu dio kaleku, amMi rendenna’ lako lalan matontongan!

PA’PUDIAN 139:24 Referans Kwoze

PA’PUDIAN 143:10

Patuduna’ umpogau’ pa’poraiamMi, belanna Kamumo tu Kapenombangku, sangapaoi anna rendenna’ tu Penaa masokanMi illan padang rampa’.

PA’PUDIAN 5:8

Apa aku te la tamana’ banuamMi, belanna pa’kamasean kapuaMi, sia la tukkuna’ umpennoloi banua kabusungamMi situang kamatakuran mati’ Kalemi.

PA’PUDIAN 119:32

La kuturu’ tu lalan pepasanMi, belanna Mipamalosangmo tu penaangku.

PA’PUDIAN 16:11

Mipokadanna’ lalan katuoan; dio oloMi den kaparannuan media’i; sia dio kananMi den kasode-sodean tontong sae lakona.

PA’PUDIAN 143:8

Pasomboanna’ kamasokanamMi, ke makale’, belanna sande’ mati’na’ Kalemi; patiroanna’ tu lalan sipatu la kuola, belanna Mati’ kunii umpakendek penaangku.

YOHANES 14:6

Nakuami Yesu lako: Akumote tu lalan sia kamanapparan sia katuoan; moi misa’ tau tae’ narampo lako Ambe’ sangadi ke tete diopi Aku.

SARAMBU PEADA’ 28:26

Minda-minda tu urrannuan kalena penaanna, iamo tobaga, apa minda-minda unnola lalan kakinaan, la tilendok,

MATIUS 7:14

Apa sukku’ tu ba’ba sia pangkun tu lalan, tu mebaa lako katuoan, sia sidi’ri tau ungkabu’tui.

KOLOSE 2:6

Tu belanna mitarimamo tu Kristus Yesu, tu Puang, lolangmokomi lan kasiturusanNa,

PA’PUDIAN 17:3

Iake ussandakKomi penaangku, sia umparessana’ ke mabongi, sia ussudina’, na moi misa’ tae’ la diappa’ iake susinna salai tu tangnga’ku, tae’ duka sia nasun dio pudukku.

PA’PUDIAN 119:1

Maupa’ tu mintu’ to malolo lalanna, sia to unturu’ mana’pa Sukaran alukNa PUANG.

SARAMBU PEADA’ 15:9

Iatu lalanna to tang mekaaluk Nakagalli PUANG, apa minda-minda tu unnula’ kamaloloan, Nakasokanni Puang.

PA’PUDIAN 27:11

Ada’ina’ tu lalanMi, o PUANG, sia solanna’ lako lalan malolo, tu belanna mintu’ to umbalina’.