PA’PUDIAN 139:23 - Sura' Madatu

²³ Pelalan kummanna’, o Puang Matua, sia tandai tonganni tu penaangku, sudina’, sia tandai tu ba’tengku lan;

PA’PUDIAN 139:23 Referans Kwoze

PA’PUDIAN 26:2

Sudina’, o PUANG sia sandakna’! Sia sudii tu ba’tengku sia penaangku.

1 PETRUS 1:7

kumua anna kalantukan kapatonganammi tu disudi – tu mandu keangga’ na iatu bulaan la sanggang moi anna disudi api – la payan kumua umpabu’tu kapudian sia kamala’biran anna kadipangkeran, ke attunnamo sombo tu Yesu Kristus,

AYUB 31:6

la Natimbangna’ Puang dio timbangan tongan, manassa Naaku Puang Matua, kumua tae’ angku sala.

SARAMBU PEADA’ 17:3

Iatu pa’paredean dinii umpatama salaka sia po’poran dinii umpatama bulaan, apa PUANG ussudii tu mintu’ penaa.

PA’TOLE 8:2

Pengkilalai tu mintu’ lalan, tu Nanii PUANG, Kapenombammu, ussolangko lan te patangpulo taunna lan padang pangallaran, kumua anNa pamadiongangko sia Nasandakko, anNa tandai tu apa lan penaammu, ba’tu la mukaritutui tu pepasanNa, ba’tu tae’i.

PA’PUDIAN 139:1

Lu lakona pangala sengo. Pa’pudianna Daud. O PUANG, Mitarru’mo’ sia Mitandaimo’.

YEREMIA 11:20

Apa o PUANGna mintu’ ma’dandan maritik, Tomangra’ta’ malambu’ sia tu untoba ba’teng sia penaa, inang la kutiro tu pa’bala’Mi lako tau iato mai, belanna lako Kalemi kunii ussorongi tu kara-karaku.

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

PA’TOLE 8:16

tu umpakandeko manna lan padang pangallaran, tu tang natandaipa nene’ to dolomu, la umpamadiongko sia la ussandakko, naundinna to la Napogau’ tu kameloan lako kalemu.

PA’PUDIAN 11:4

Iatu PUANG tongkon lan banua kabusunganNa, sia lan suruga tu isungan kapayunganNa PUANG; mentiro tu matanNa, sia kulimbang matanNa ussudi mintu’ ma’rupa tau.

PA’PUDIAN 11:5

Nasudi PUANG tu to malambu’ sia to tang mekaaluk, apa iatu penaanNa ungkabiri’ to patoro’ buku.

PA’PUDIAN 17:3

Iake ussandakKomi penaangku, sia umparessana’ ke mabongi, sia ussudina’, na moi misa’ tae’ la diappa’ iake susinna salai tu tangnga’ku, tae’ duka sia nasun dio pudukku.