PA’PUDIAN 139:19 - Sura' Madatu

¹⁹ O Puang Matua, sabu’i tu mintu’ to tang mekaaluk – sia kamu, e to umpato’do rara, mallaikomi dio mai kaleku. –

PA’PUDIAN 139:19 Referans Kwoze

PA’PUDIAN 5:6

Iatu to matampo tae’ nabelai bendan dio oloMi sia Mikabiri’ tu mintu’ to umpogau’ kakelokan.

YESAYA 11:4

Sangadinna iatu to bitti’ la napaolai malolo salunna sia nasanda tonganni situang kamalamburan tu to umpamadiong penaanna; apa tete dio pebamba tongka’ dililana la napa’dikan lino, sia penaa sun dipudukna la napateanni tu to tang mekaaluk.

PA’PUDIAN 119:115

MallaiKomi dio mai kaleku, e kamu to umpogau’ kakadakean, Angku kullei ungkaritutui pepasanna Kapenombangku.

PA’PUDIAN 6:8

Malanmo tu matangku napobua’ karosso-inaan, sia tang tibida’ natumang mintu’ ualingku.

PA’PUDIAN 64:7

Tau iato mai umpana’ta’ mintu’ kakadakean, nakua: Tepumokan, iatu kasiturusangki ditangnga’ mandalan tongan! Belanna iatu tangnga’na sola nasangi sia karangan inaanna mandalan tongan.

PA’PUDIAN 55:23

Sorongi lako PUANG tu kaselangammu, Ia la undaranaiko; inang tang Naeloran tu to malambu’ la tilende’.

PA’PUDIAN 9:17

Umpasombomo Kalena tu PUANG, sia umpabantang katonganan, iatu to tang mekaaluk naala poya panggaraganna kalena. Higgayon. Sela

2 KORINTUS 6:17

Iamoto tassu’komi dio mai to’ to kapere’, sia messarakkomi, susimoto tu kadanNa Puang, sia da mirumbui tu apa maruttak; na Aku umpaalaikomi bilangan,

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

PA’PUDIAN 94:23

Ia umpapakkanni kabulitukanna tau iato mai, sia Ia la ussabu’i sola nasangi lan kakadakeanna, pissanmito la Nasabu’i PUANG Kapenombanta tu tau iato mai.

MATIUS 7:23

Attu iato la Kupamaleso tu kadangKu lako tau iato kumua: Tae’pa Aku Kutandai lenkomi; pallaikomi dio mai Kaleku, e kamu to umpogau’ kakadakean.

PA’PUDIAN 9:18

Ondongpi iatu to tang mekaaluk tipero’ rokko lino to mate, iamotu mintu’ bangsa untananni boko’ Puang Matua.