PA’PUDIAN 139:13 - Sura' Madatu

¹³ Belanna Kamu ungkombong nasangi tu lanna tondon to batangku, sia umpasanda rangka’na’ lan pa’tambukanna indo’ku.

PA’PUDIAN 139:13 Referans Kwoze

YEREMIA 1:5

Iatonna tae’pa Kukombongko lan inan tau, inang Kutandaimoko sia iatonna tae’pa mutassu’ lan mai pa’tambukan, Kupamarimbanganmoko sia Kuangka’ko nabinna mintu’ bangsa iato.

PA’PUDIAN 119:73

LimamMimo tu ungkombongna’ sia umpatepuna’, benna’ kapaissanan angku issanni umpelada’i tu mai pepasanMi.

YESAYA 44:2

Nakua kadanNa PUANG, To tumampamu sia To kumombongmu tempon lan mai pa’tambukanna indo’mu, To patunduammu: Da mumataku’, e Yakub, taungKu, sia Yesyurun, tu Kupilei langsa’.

AYUB 31:15

Iatu Puang umpadadina’ lan pa’tambukanna indo’ku, tang Napadadi dukaraka tu tau iato? Tang Misa’raka tu to ungkombongki’ lan pa’tambukanna indo’ta?

YESAYA 46:3

PerangiiNa’, e bati’na Yakub, sia mintu’ tu taruk torronapa Israel, tu Kusompo randuk lan mai pa’tambukan sia Kuangka’ tempon lan mai inan tau.

PA’PUDIAN 71:6

Mati’ri Kalemi kunii sande’ tempon ditibussanangku, sia Kamuri tu umpatibongso’na’ lan mai pa’tambukanna indo’ku; mati’ri Kalemi nanii tontong kapa’pudi-pudiangku.

PA’PUDIAN 95:6

Maikomi anta tukku menomba, anta malinguntu’ dio oloNa PUANG, Totumampata.

1 KORINTUS 12:17

Na iake la mendadi mata nasangi tu mintu’ kale, umbapa tu la ma’perangi? Sia iake la ma’perangi nasangi, umbapa tu la manguduk?