PA’PUDIAN 137:3 - Sura' Madatu

³ Belanna inde to nanii ussuakan menani tu mai to urrampakanni, sia undaka’ kasendean tu mai to umpa’dikkikan nakua: Penaniangkanni misa’ tu mai nanian Sion.

PA’PUDIAN 137:3 Referans Kwoze

LUKAS 21:6

Iate mintu’na mitirona te, la sae tu allona, ke tae’ bangmi torro tu batu mettodo’ dao batu senga’, tu tang la diseranna.

MIKHA 3:12

Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.

YEREMIA 26:18

Iatonna linona Hizkia, datu Yehuda, ma’nubua’mi Mikha, to Moresyet sia ma’kada lako mintu’ bangsa Yehuda, nakua: Inde sia tu kadanNa PUANGna mintu’ ma’dandan maritik, kumua: Iatu Sion la ditengko susi pa’lak sia Yerusalem la daun lauan, sia iatu buntu nanii Banua Kabusungan la membuntu pangala’ kamban.

YEREMIA 9:11

Iatu Yerusalem la Kupadaun launan, napopembunianni serigala sia iatu mintu’ kota Yehuda la Kupopempadang lo’bang, na moi misa’ tau tae’mo untorroi.

YESAYA 35:10

mintu’ to Nala’bak PUANG la sule sia la kumalasi-lasi sae lako Sion; sia kaparannuan masae lako la napomakota dao ulunna; tau iato mai la unnappa’ kasendean sia kaparannuan, apa mintu’ kamasussan sia kasumarroan la mallai.

PA’PUDIAN 80:6

Uai mata mannamo Mibenni napotuo, ondongpi uai mata mannamo Mipamosoanni nairu’.

PA’PUDIAN 79:1

Pa’pudianna Asaf. O Puang Matua, natamaimo to kapere’ tu apamMi, sia urruttakki banua kabusungamMi, ondongpi napatombonan batu tu Yerusalem.

PA’PUDIAN 65:1

Lu lakona pangala sengo. Pa’pudianna Daud. Misa’ nanian.

PA’PUDIAN 9:14

Kamaseina’, o PUANG, tiroi tu kanapandasangku to ungkabiri’na’, o Puang, tu unnendekanna’ lan mai baba liang,

NEHEMIA 4:2

sia ma’kada dio olona siulu’na sia mintu’ surodadu Samaria nakua: Apa todaoia napogau’ tu to Yahudi langga’? Sipaturaka la dipopa’elo’na bang tu tau iato mai? Ma’dinraka la memala’? Ma’dinraka la namangkai allo totemo? Ma’dinraka la napatuo sule tu batu tembo’ ro’pok tu nakandemo api?

1 OSSORANNA DATU 16:7

Iatonna allo iato bunga’na napasan Daud lako Asaf sia mintu’ siulu’na la umpudi tu PUANG, nakua:

YESAYA 51:11

Iatu mintu’ to Narampanan PUANG la sule sia la kumalasi-lasi sae lako Sion; sia kaparannuan masae lako la napomakota dao ulunna, tau iato mai la unnappa’ kasendean sia kaparannuan, anna mintu’ kamasussan sia kasumarroan la mallai dio mai kalena.

1 OSSORANNA DATU 15:27

Iatu Daud ma’bayu lamba’ lenang melo, susi duka tu mintu’ to Lewi, tu umbulle patti, to menani na Kenanya, tu umpangului to menani, tonna dipalele tu patti; na iatu Daud ma’bayu lenang.

SARAMBU PEADA’ 25:20

Susi to unnalai bayunna, ke attu madingin, sia susi to sukka dipasirau soda, susi dukato tu to sumengo punala bang, moi anna rosso penaanna.