PA’PUDIAN 136:9 - Sura' Madatu

⁹ Na bulan sola mintu’ bintoen umparenta bongi, belanna iatu kamasokananNa tang tileluk sae lakona.

PA’PUDIAN 136:9 Referans Kwoze

PA’PUDIAN 8:3

Dio pudukna pia sia pia malia Minii untanan kamatotoran unno’ton mintu’ ualimMi, amMi tang umpasumui tu mintu’ ualimMi sia to untambuk essun.

AYUB 31:26

iangku penunumo mata allo, ke parrangmi, sia iatu bulan, ke lumilingi nakabu’ kamala’biran,

KADADIAN 1:16

Napadenni Puang Matua da’dua apa parrang kapua, iatu apa parrang tu kapuana la umparenta masiang, na iatu apa parrang tu bitti’na la umparenta bongi, sia mintu’ duka bintoen.

PA’PUDIAN 8:4

Iangku tingara langi’Mi, panggaraga limamMi, sia bulan na bintoen tu mangka Mikombong:

PA’PUDIAN 74:16

Kamumo ampunna tu masiang sia Kamumo tu ampunna bongi; Kamumo tu umpatorroi inanna tu arrang sama lele sola batunna kulla’.

YEREMIA 31:35

Inde sia tu kadanNa PUANG, tu umpaden mata allo la unnarrangi masiang sia umpana’ta’ bulan sia mintu’ bintoen la unnarrangi malillin sia usse’go’ tasik, naurunganni mongngo’ tu bombangna; PUANGna mintu’ ma’dandan maritik iamoto tu sanganNa;