PA’PUDIAN 136:6 - Sura' Madatu

⁶ Tu umpatiballa’ kapadanganna dao to’ kauaianna, belanna iatu kamasokananNa tang tileluk sae lakona.

PA’PUDIAN 136:6 Referans Kwoze

PA’PUDIAN 24:2

Belanna Iamo unnoton parandanganna lino dao tasik, sia umpabantangi dao minanga kalua’.

YEREMIA 10:12

Iamo Puang tu mangka umpadadi lino tete dio kamatotoranNa sia tu umpatepu lipu daenan tete dio kakinaanNa sia umballa’ langi’ tete dio tangnga’ kinaanNa.

KADADIAN 1:9

Ma’kadami tu Puang Matua: La ma’misa rokko misa’ inan tu mintu’ uai nasambo langi’, anna sombo tu karangkean. Dadimi susito.

YESAYA 44:24

Inde sia tu kadanNa PUANG, Pela’bakmu sia To tumampamu tempon lan mai pa’tambukanna indo’mu: Akumo tu PUANG ungkombong nasangi te mintu’na; Aku manna umpalumbangi te langi’; Aku manna umpatungarai te tana kalua’ tete dio kamatotorangKu.

YESAYA 42:5

Inde sia tu kadanNa Puang Matua, Iamotu PUANG, tu umpadadi sia umpalumbang batara, tu umballa’ lipu daenan sia mintu’ apa tuo lan; tu umpatamai penaa mintu’ to untongkonni kuli’na padang sia umpatamai sumanga’ tu mintu’ to lolang lan.

AYUB 26:7

Nae’te’ tu rampe daanna lu daona lu apa tang tibori’pa, Natoke’ tu lino dao apa tae’.

ZAKHARIA 12:1

Inde sia tu kada Napa’petanggungan Puang Matua, iamotu kadanNa PUANG diona Israel. Susite tu kadanNa PUANG, tu umballa’ langi’ sia umparandanganni lino sia ungkombong penaanna tolino lan ba’tengna.

YESAYA 40:22

Iatu Puang unnisung dao lino malepong, na iatu tolino butung bangri batik. Ia umballa’ langi’ takua to sampin, Naballa’ susito tenda nanii torro.

AYUB 37:18

Ma’dinrokomika susi Puang umpalumbangi tu mai gaun, anna dadi langi’ maka’da’ susito misa’ sammin dipati’no’?