PA’PUDIAN 136:23 - Sura' Madatu

²³ Tu mangka ungkilalaiki’ lan kamase-maseanta, belanna iatu kamasokananNa tang tileluk sae lakona.

PA’PUDIAN 136:23 Referans Kwoze

YESAYA 63:9

Mintu’ kapu’duranna tau iato mai Napokapu’duran duka, na tau iato mai Narampanan Malaeka’ tu umpaombo’ Puang. Belanna pa’kaboro’Na sia kamamaseanNa Nala’bakki tu tau iato mai sia Naendekanni sia Naindo’i lan mintu’ attu tempon dio mai dolona.

LUKAS 1:48

belanna Napemarangamo tu kamadionganna taunNa. Anna randuk pole te totemo nasiosso’i tau umpotule’-tuleranni umpokada rongko’na’,

PA’PUDIAN 142:6

O PUANG, meongli’ mati’na’ Kalemi; kukua: Kamumo tu pentionganangku, sia kamumo tu kataanangku illan tondok to tuo.

PA’PUDIAN 116:6

Iatu PUANG ungkaduttu’ to tang masuangga, makuyu langkanmo’, apa Ia mangka ungkarimmannina’.

PA’PUDIAN 113:7

Ia unnendekan to bongko diong mai to’ barra’-barra’, sia umbangunan to mase-mase diong mai to’ so’mak.

PA’TOLE 32:36

Belanna iatu PUANG la ussanda tonganni bangsaNa sia la ungkamasei taunNa; iake Natiroi, kumua pa’demo tu kamatotoranna, sia tappumo sola nasangi randuk dio mai madaona sae lako madionganna,

LUKAS 1:52

iatu to kapua Napasule rokko tu pangka’na na iatu to barinni’ Napamadoan,

PA’PUDIAN 102:17

Belanna Nabangunmo PUANG tu Sion, anna payan tu Puang situang kamala’biranNa.

KADADIAN 8:1

Nasusito Nakilalaimi Puang Matua tu Nuh sia mintu’ olo’-olo’ marira sia mintu’ patuoan tu nasolan lan lembang; Napopangiri’i Puang Matua tu angin lan lino, namere tu uai.