PA’PUDIAN 136:16 - Sura' Madatu

¹⁶ Tu To urrenden taunna unnola padang pangallaran, belanna iatu kamasokananNa tang tileluk sae lakona.

PA’PUDIAN 136:16 Referans Kwoze

PA’TOLE 8:15

Iatu Puang ussolangko male ullendu’i padang pangallaran kapua sia metakuran tu nanii ula’ keipo sia te’tek buku, sia iatu padang rangke tang nanii uai; tu umpatassurangko uai lan mai buntu batu laulung,

KATASSURAN 15:22

Mangkato nasuami Musa tu to Israel ke’de’ dio mai tasik Teberau, anna male ma’palulako padang pangallaran Syur; lumingkami lan padang pangallaran tallung allo apa tae’ naappa’ uai.

KATASSURAN 13:18

Sangadinna Napasepang Puang Matua, tu tau iato mai, unnola lalan ma’palulako padang pangallaran tasik Teberau. Ke’de’mi tu to Israel tassu’ lan mai tondok Mesir, sakka’ pa’bunona.

PA’PUDIAN 77:20

Iatu lalanMi lan tasik, sia lan to’ uai buda, sia iatu lalan lentekMi tae’ napayanan.

PA’TOLE 8:2

Pengkilalai tu mintu’ lalan, tu Nanii PUANG, Kapenombammu, ussolangko lan te patangpulo taunna lan padang pangallaran, kumua anNa pamadiongangko sia Nasandakko, anNa tandai tu apa lan penaammu, ba’tu la mukaritutui tu pepasanNa, ba’tu tae’i.

YESAYA 49:10

Tang la mekatopo ba’tu mekama’rang, tae’ nala ussarussu’i angin padang aak sia tae’ nala ulla’da’i allo, belanna iatu tau iato mai la Nasolan To madulu’na sia la Naanta’ lako to’ mata kalimbuang.

NEHEMIA 9:19

tae’ duka Mitampei tu tau iato mai lan lu padang pangallaran, belanna kakapuanna kamamaseamMi. Iatu lentong gaun tae’ natoyang dio mai tau iato mai, ke allona la umpadulluanni lalan, sia iatu lentong api, ke bonginna la unnarrangi tau iato mai dio lu lalan tu la naolai.

NEHEMIA 9:12

Iake allona Mianta’ lentong gaun na iake bonginna Mianta’ lentong api la unnarrangi tu tau iato mai dio lu lalan naolai.

PA’TOLE 11:5

Sia apa Napogau’ lako kalemi lan padang pangallaran sae lako kasaeammi inde te inan iate.