PA’PUDIAN 136:12 - Sura' Madatu

¹² Tete dio lima matoto’ sia takia’ tie’te’, belanna iatu kamasokananNa tang tileluk sae lakona.

PA’PUDIAN 136:12 Referans Kwoze

YEREMIA 32:21

Sia Kamumo tu ussolan taumMi, to Israel, tassu’ lan mai tondok Mesir tete dio ba’tu pira-pira tanda kalle-kallean sia tanda mangnga sia tete dio lima matoto’ sia takia’ tie’te’ sia tete dio apa mandu metakuran.

PA’TOLE 4:34

Ba’tu denmoraka misa’ deata untobai sae la unnalan kalena misa’ bangsa dio mai tangngana bangsa senga’, tete dio kadipandasan, tete dio tanda kalle-kallean sia tanda mangnga sia kasirarian, tete dio lima mawatang sia takia’ tie’te’ sia tete dio penggauran ma’patiramban, susitu Napogau’mo PUANG Kapenombammi, te mintu’na te lan Mesir belanna kamu dio pentiromu.

PA’PUDIAN 44:3

Mangkamo Mirambai tu mintu’ bangsa tete dio kamatotoramMi, amMi panno’ko’i tu nene’ to doloki sondana tau iato mai, mangkamo Mipa’dikki tu mintu’ to sangpetayanan amMi pamakambanni tu nene’ to doloki.

KATASSURAN 6:6

La Kuangka’komi dadi taungKu angKu dadi Kapenombammi, ammi issanni, kumua Akumo tu PUANG, Kapenombammi, tu urrampanangkomi dio mai pa’diaman napabokkokangkomi to Mesir.

KATASSURAN 15:6

O PUANG, mala’bi’ tu lima kananMi diona kamatotoran, O PUANG, lima kananMi unnisak-nisakki tu uali iato.

KATASSURAN 13:14

Iake nakutanaiko anakmu muane undinna, kumua: Apara te?, la mukua lako: Nasolammokan PUANG tete dio lima mawatang sun lan mai tondok Mesir, lan mai banua dinii umpokaunankan.

PENGGAURANNA RASULU’ 7:36

Iamo ussolanni sun tu tau, tonna mangka umpadenanni tu tanda mangnga sia tanda kalle-kallean dio tana Mesir, sia dio tasik Mararang, sia dio padang pangallaran patangpulo taunna.

KATASSURAN 13:3

Ma’kadami Musa lako tu to buda, nakua: Kilalai te allo iate, iamotu allo katassurammi lan mai tondok Mesir, lan mai banua minii dipokaunan, belanna tete dio lima mawatang anNa solangkomi PUANG tassu’ indete. Iamo bannangna to na iatu keraginna tae’ mima’din ungkandei.