PA’PUDIAN 135:7 - Sura' Madatu

⁷ Ia umpakendek damo’ dio randan langi’, sia umpaden kila’ situang uran, sia umpasun angin lan mai pa’palumpunanNa.

PA’PUDIAN 135:7 Referans Kwoze

YEREMIA 10:13

Iake umpatassu’i kadanNa, mongngo’ tu uai dao langi’ sia umpakendek salebu’ dio mai randan langi’; Ia umpadadi kila’ naturu’ uran, sia umpatassu’ angin lan mai pa’palumpunanNa.

ZAKHARIA 10:1

Palakui tu uran dio mai PUANG, ke attunnai uran tampak, PUANG umpadadii tu kila’ mellepa’ sia la Napasaean uran kamban tu tau iato mai, sia Nakamasean mintu’ tau tu tananan maluna dio pa’lakna.

YEREMIA 51:16

Iake Napatassu’i kadanNa, mongo’ tu uai dao langi’ sia umpakendek salebu’ dio mai randan langi’; la umpadadii tu kila’ naturu’ uran, sia umpatassu’ angin lan mai pa’palumpunanNa.

YOHANES 3:8

Iatu angin umba-umba ia nanii mangiri’ tu naporainna, na mirangi sia tu mongngo’na, apa tae’ miissanni umba nanii sae sia umba naola. Tenmoto tu mintu’nato dadi lu dio mai tu Penaa.

PA’PUDIAN 148:8

E api, sia uran batu sia ambun makko na rambu roya, e angin bara’, tu umpalolang kadanNa Puang.

YUNUS 1:4

Apa Napasae PUANG tu angin bara’ dao tasik, anna ma’pamumbuk lan tasik, naurungan iatu kappala’ sidi’mora nasabu’.

YEREMIA 14:22

Denraka misa’ tu rapang-rapang dipodeata tu tae’ gai’na dio lu mintu’ bangsa ma’din umpasae uran? Ma’dinraka tu langi’ umpatibarrak uran sae? Tae’raka naKamu, o PUANG, Kapenombangki? Iamoto angki rannuangKomi, belanna Kamu umpadadii tu mintu’nate.

PA’PUDIAN 107:25

Ma’kadami umpasae angin bara’, tu umpakapua mintu’ bombangna.

AYUB 5:10

Umpasae uran dao kuli’na padang, sia umbolloan uai dao kapadanganna.

1 DATU 18:1

Iatonna masai allomo lan taun ma’pentallunna, rampomi tu kadanNa PUANG lako Elia, nakua: Maleko umpa’petiroan kalemu lako Ahab, belanna la Kupasaemo tu uran dao te kuli’na padang.

PA’PUDIAN 78:26

Napopangiri’ tu angin matallo dao mai langi’, sia Napasae tu angin lu lo’ mai pollo’na uai tete dio kuasanNa.