PA’PUDIAN 135:6 - Sura' Madatu

⁶ Iami Naporai, iamo Napogau’, la dao langi’ la lan lino, la diong tasik ba’tu diong lu liku mandalan.

PA’PUDIAN 135:6 Referans Kwoze

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

PA’PUDIAN 115:3

Iatu Kapenombangki dao mai suruga, mintu’ pa’poraianNa Napogau’ Ia.

MATIUS 28:18

Napentireke’imi Yesu, anNa ma’kada lako tu tau, Nakua: Mintu’na kakuasan disorongmo lako Kaleku, la dao suruga la lan te lino.

YESAYA 46:10

Tu umpokadai randuk tipamulanna sae lako ma’katampakanna tu apa la dadi sia tempon dio mai tu apa tae’pa; tu ma’kada nakua: La dadi tu panglampakKu sia la Kupogau’ tu mintu’ pa’poraiangKu;

PA’PUDIAN 33:11

Apa iatu pa’timbanganNa PUANG tang leluk sae lakona, sia iatu tangnga’na landa’ lako disituran-turananni.

PA’PUDIAN 33:9

Belanna ma’kada manna anna kombongmo, sumu manna anna limbongmo sangga mairi’.

AMOS 9:6

tu umpabendan bilik mengkadaoanna dao langi’ sia unnoton bilik massaloko’na dao kuli’na padang, tu unnongli’ uai tasik, anna patibarrakki dao kuli’na padang – PUANG iamoto tu sanganNa.

AMOS 4:13

Belanna tonganna Puangmo tu ungkombong buntu sia umpadadi angin, sia umpokadanni tolino tu apa lan penaanna, sia umpopemmalillinni tu arrang melambi’, sia unnola inan madao dao kuli’na padang – PUANG, Kapenombanna mintu’ ma’dandan maritik, iamoto tu SanganNa.

MATIUS 14:25

Iatonna dannarimo saemi tu Yesu umpellambi’i, untete uai tasik.

AYUB 42:2

Kutandai kumua Kamu tu umpoissan angge maritik, sia moi misa’ lalan tangnga’Mi tang dipadapa len.

DANIEL 4:32

Sia la naali’ko tau dio mai sangbilangan tolino na iatu katorroammu la sisola olo’-olo’ dio lu padang; anna pakandeko tau riu ten to sapi; sia nalambi’ pempitu attu la munii susito sae lako muakunna, kumua Puang Patodoranna ungkuasai kadatuanna tolino sia Nakamasei tu minda-minda Naporai.