PA’PUDIAN 135:21 - Sura' Madatu

²¹ Mintu’na kadipudian lan mai Sion lako PUANG, tu unnisungi Yerusalem! Haleluya!

PA’PUDIAN 135:21 Referans Kwoze

PA’PUDIAN 134:3

Sangapaoi anNa pamasakkeko PUANG lan mai Sion, Puang umpadadi langi’ sia lino.

YESAYA 12:6

Unnarrakkomi sia sumapukokomi, e pa’tondokan Sion, belanna iatu To maserona to Israel pasareongan illan tangngami.

PA’PUDIAN 128:5

Sangapaoi anNa pamasakkeko PUANG lan mai Sion, sia sangapaoi ammu tiroi tu upa’na Yerusalem angge tuomu,

PA’PUDIAN 76:2

Iatu Puang Matua kalelean lan tana Yehuda, sia iatu sanganNa mala’bi’ lan tana Israel.

2 OSSORANNA DATU 6:6

sangadinna totemo Kupilei langsa’mo tu Yerusalem, la nanii sangangKu dio sia Kutonno’ bua kayumo tu Daud, kumua anna ia undatui taungKu, to Israel.

PA’PUDIAN 48:9

Susito kiranginnamo, ten dukamo tu kitirona lan kotaNa PUANGna mintu’ ma’dandan maritik, lan kotaNa Kapenombanta, Puang Matua tu la umpabintinni tontong sae lakona. Sela

PA’PUDIAN 48:1

Misa’ sengo. Pa’pudianna to Korah.

KADIBILANGAN 23:21

Tae’ napenunui tau tu kamandasan dio lu Yakub, sia tae’ natiroi tu kasanggangan dio lu Israel. Iatu PUANG, Kapenombanna, urrondongi, sia arrakna to untendeng Datu den dio lu tau iato mai.

1 OSSORANNA DATU 23:25

Belanna nakua Daud: Nakamaseimo karapasan PUANG, Kapenombanna to Israel, tu taunNa, sia torro dio Yerusalem tontong sae lakona.

EZRA 7:16

sia mintu’ salaka sia bulaan tu muappa’ lan mintu’ propinsi Babel sola mintu’ pamengan langngo’ inaa, tu napa’bengan bangsa iato sola mintu’ tominaa lako banuanNa Kapenombanna, tu unnisung lan Yerusalem.

PA’PUDIAN 48:2

Iatu Puang mala’bi’ sia sipatu tongan dipudi lan kotaNa Kapenombanta, dao buntu maindanNa.

PA’PUDIAN 48:3

Iatu buntu Sion maelo malangka’na daanna lu tampak ulunna salu, iamo naposende sangullele lino, Sia iamo kotana Datu kapua.