PA’PUDIAN 135:14 - Sura' Madatu

¹⁴ Belanna la Nasanda-tonganni PUANG tu taunNa, sia la Nakaturu-turui tu orangNa.

PA’PUDIAN 135:14 Referans Kwoze

PA’TOLE 32:36

Belanna iatu PUANG la ussanda tonganni bangsaNa sia la ungkamasei taunNa; iake Natiroi, kumua pa’demo tu kamatotoranna, sia tappumo sola nasangi randuk dio mai madaona sae lako madionganna,

PA’PUDIAN 50:4

Metambami langngan langi’ daona lu, sia tama lino, kumua la Napaolai salunna tu taunNa:

PA’PUDIAN 7:8

Melo ke natalimbungKomi kombong kalua’na mintu’ to sangpetayanan, sia unnisungKomi langnganna tau iato mai dao inan dipalayuk.

YUNUS 4:2

Massambayangmi lako PUANG nakua: O PUANG, tang mangkamoraka kupokada, tongku lanpa tondokku? Iamoto angku padoloi mallai lako Tarsis, belanna kuissan, kumua iatu Kamu Kapenomban sumpu mamase sia sa’pala buda, kalando pesuka’ sia kapua tu kamasokananNa sia umpenassanni tu diona kamandasan.

AMOS 7:6

Napenassannimi PUANG tu iannato. Tae’ duka anna la dadi tu iannato, kadanNa Puangta PUANG.

AMOS 7:3

Napenassannimi PUANG tu iannato. Tae’ anna la dadi tu iannato, kadanNa PUANG.

1 OSSORANNA DATU 21:15

Nasua duka Puang Matua tu misa’ malaeka’ lako Yerusalem la ussanggangi, apa iatonna randukmo umpogau’i to, Natiromi PUANG, anNa penassanni Puang tu kamandasan iato. Ma’kadami lako malaeka’ pasanggang, Nakua: Silasamo to! Riu’mi sule tu limammu. Attu iato iatu malaeka’Na PUANG bendan sikandappi’ panglulluranna Ornan, to Yebus.

TO PARENGNGE’ 10:16

Iatu rapang-rapang dipodeata dio lu tau iato mai natibemo, anna umpengkaolai PUANG; attu iato tang masemo penaanNa Puang untiroi tu kamandasanna to Israel.

PA’PUDIAN 90:13

MessailemoKomi, o PUANG! SangapaporoKomi tang la messaile? Ala masei tu mai taumMi.

PA’PUDIAN 96:13

Dio oloNa PUANG, belanna la sae, manassa la sae la umpaolai salunna lipu daenan; la Napaolai malambu’ salu te lino, sia mintu’ bangsa sitinaya kamarurusanNa.