PA’PUDIAN 13:2 - Sura' Madatu

² Sangapapi, o PUANG, la tontong bangroKomika untanannina’ boko’? SangapapoKomi la umbunianna’ lindoMi?

PA’PUDIAN 13:2 Referans Kwoze

YEREMIA 8:18

Tang kutanan tongan mapa’dikna tu penaangku, lendu’ masussanna penaangku!

YEREMIA 15:18

Ma’apai anna tae’ upu’na tu pa’di’ku sia tae’ namondo tu bangkeku sia tae’ nasikemun? Iatu Kamu tonganna butung to salu’-salu’ marangke lako kaleku, susito uai ka’to’.

BATING 1:5

Mintu’ to umbalii ussau’i, iatu ualinna paiman, belanna PUANG umparampoi kamasussan, natumang sala budanna; iatu mintu’ pia’-pia’na inang la male dipali’, nadolo lumingka naturu’ to umbalii.

TOMANGADA’ 5:17

Manassa inde sia tu kutiro melo, iamotu sipatu, ke kumandei sia mangiru’i tu tau sia umperasai melona diona mintu’na ra’ta’na tu nanii mara’ta’ lan naarrang matanna allo, lan sangattu’ allo katuoanna, tu Nakamaseanni Puang Matua, belanna iamoto tu taana.

SARAMBU PEADA’ 15:13

Iatu penaa parannu umpasombo kasendean dio lindona tau, apa diona pa’di’ inaa anna bonnong tu penaanna.

AYUB 10:15

Iake manassana’ sala – upu’ alloku! sia iake tae’i kusala – manassa tae’ kubelai unnadongan ulungku, belanna namosomo’ kadisayuan sia untiro kamandasangku.

FILIPI 2:27

Inang masaki tongan, sidi’mora namate, apa Nakamasei Puang Matua, sia tangia ia manna, sangadinna aku duka kumua da anna sakerangngan-rangnganna tu kamasussangku.

ROMA 9:2

kumua lendu’ masussangku sia tae’ natore kamapa’diran lan penaangku.

YOHANES 16:6

Iamira tu Kupokadamo lako kalemi tu mintu’nato, anna ponnomo lan penaammi tu kamasussan.

MATIUS 26:38

Nakuami Yesu lako tinde mai tau: Lendu’ masussanna penaangKu kari’ la mateMo’ Kusa’ding; torromokomi indete anta maroya sola.

BATING 1:9

Iatu kamaruttakanna le’ke’ lako biring dodona; tae’ natangnga’-tangnga’i tu katampakanna, anna tobang rokko posi’ tana lambe’, na moi misa’ tau tae’mo umpakatanai. Tiroi, o PUANG, tu kamaparrisangku, belanna matampo tu ualingku!

PA’PUDIAN 116:3

Naluang sambanna’ ulangna kamatean, sia Narampoimo’ parri’ lino to mate, kuperasaimo tu kamaparrisan sia karossoan.

PA’PUDIAN 74:18

O PUANG, kilalai tu diona uali untelleKomi, sia bangsa tae’ pa’inaanna untunai sangamMi.

PA’PUDIAN 74:10

O Puang Matua, sangapapakan la natelle tu mati’ to unneakan? Sia la tontong bangraka tu uali la untunai sangamMi?

PA’PUDIAN 42:4

Tae’mo kukumande sangadinna uai matangku mannamo kuparra keallo kebongi, belanna nakuan bangmo’ tau kiallo kumua: Umbamira tu Kapenombammu?

PA’PUDIAN 31:18

O PUANG, da Mieloranna’ kasirisan, belanna meongli’na’ mati’ Kalemi; melo ke mintu’ to tang mekaaluk kasirisan, da’ito nakatiro-tiro lan lino to mate.

PA’PUDIAN 17:9

Dio mai to tang mekaaluk tu umbala’-bala’na’, iamotu uali ungkabiri’ liuna’, tu ullimbuina’.

PA’PUDIAN 10:18

la umpasalunna pia biung sia to dipakario-rio, kumua iatu tolino untorroi kuli’na padang da anna ma’patiramban pole.

PA’PUDIAN 9:6

Migarra’mo tu mintu’ bangsa, sia Mirabunnimo mintu’ to tang mekaaluk, Mibutaimo tu sanganna tontong sae lakona.

PA’PUDIAN 8:2

O PUANG, o Puangki, tang pada mala’bi’na tu sangamMi lan mintu’ narande tana, Mipadaomo langi’ tu kamala’biramMi!

PA’PUDIAN 7:2

O PUANG, Kapenombangku, mati’ Kalemi kunii sande’, lendokanna’ dio mai mintu’ to unnula’na’ sia rampananna’.

ESTER 7:6

Ma’kadami tu Ester nakua: Iatu pa’pakario-rio sia uali, iamotu Haman, to kadake iate. Tirambanmi tu Haman untiro lindona datu sia datu baine.

NEHEMIA 2:2

Ma’kadami datu lako kaleku nakua: Ma’apai namaru’gun lindomu ditiro, natae’ mumasaki? Tae’ senga’na te sangadinna den kamasussan lan penaammu. Attu iato matakkukmo’.

1 SAMUEL 24:19

Allo ia dukate munii umpa’pekitananni, kumua melo tongan tu mupogau’ lako kaleku, belanna Nasorongmo’ PUANG tama limammu, apa tae’ sia mupateina’.

1 SAMUEL 18:29

Iamoto nasamataku’-taku’na pissan tu Saul lako Daud. Naurungan napouali Saul tu Daud lan mintu’ katuoanna.

LUKAS 22:53

Kiallo-kiallo misisolanNa’ lan Banua Kabusungan, tae’ra mipata’paiNa’ limammi, apa iamote tu allu’mi sia parenta kamalillinan!

YEREMIA 45:3

Mukua ma’kada: A’a dikka’ tu kaleku, belanna iatu kamaparrisangku Narangnganniomo PUANG kamasussan, boyo’ tontong sumarro sia tang rapa’mo penaangku.

PA’PUDIAN 38:17

Belanna kukua: Da naposendei tau iato mai tu kamandasangku, sia iake tilende’i tu lentekku, da napakapua penaanna lako kaleku

PA’PUDIAN 6:4

Lendu’ tirambanna tu penaangku, iatu Kamunna, o PUANG, sangapapaKomi?

BATING 5:20

Ma’apai amMi tontong tang ungkilalaikan, sia ma’apai amMi tampe tarru’kan sae lakona?