PA’PUDIAN 128:1 - Sura' Madatu

¹ Nanian Hamaa’lot. Maupa’ tu mai to ungkataku’ PUANG. Sia to unturu’i tu mintu’ lalanNa.

PA’PUDIAN 128:1 Referans Kwoze

PA’PUDIAN 119:1

Maupa’ tu mintu’ to malolo lalanna, sia to unturu’ mana’pa Sukaran alukNa PUANG.

PA’PUDIAN 112:1

Haleluya! Maupa’ tu to ungkataku’ PUANG, sia to ungkamali’ tonganni tu pepasanNa.

LUKAS 1:50

manassa iatu kamamaseanNa tontong nasiosso’i mintu’nato ungkataku’I.

PA’PUDIAN 103:13

Susi misa’ ambe’ unnala mase anakna, susi dukamoto tu PUANG unnala mase mintu’ to ungkataku’I.

PENGGAURANNA RASULU’ 9:31

Torro manamanmi sia marampa’ tu kombongan to Sarani dio mintu’ tana Yudea sola Galilea na Samaria sia dipabatta’ sia ungkataku’ Puang Matua; anna pa’tunduanNa Penaa Masallo’ nasakerangngan-rangnganna.

PA’PUDIAN 147:11

Iatu PUANG Naporai tu to ungkataku’I, sia iatu to urrannuan kamasokananNa.

PA’PUDIAN 127:1

Nanian Hamaa’lot. Pa’pudianna Salomo. Iake tae’i anNa PUANG umbangunni tu banua. Manassa tae’ gai’na tu kabo’yoranna pande; sia iake tae’i anNa PUANG ungkampai tu kota, manassa tae’ gai’na tu kamaroyanna to ma’kampa.

PA’PUDIAN 115:13

sia la Napamasakke tu mintu’ to ungkataku’ PUANG, la bitti’ la kapua.

1 TESALONIKA 4:1

Sia indepa, e sangsiulurangku, kipalaku lako kalemi sia kipakilalakomi lan Puang Yesu, susitu mangkanna mitarima dio mai kaleki, kumua umba la mipakuanni tu gau’mi anNa poraikomi Puang Matua, – susitu mipogau’ sia –, susi dukamoto la samipakendek-kendekna tu pengkaolammi.

PA’PUDIAN 103:17

Apa iatu kamasokananNa PUANG tempon dio mai landa’ lako attu situran, lako mintu’ to ungkataku’I, sia iatu kamaloloanNa untaranak lanto mimi’na.

PA’PUDIAN 125:1

Nanian Hamaa’lot. Iatu mintu’ to umposande’ PUANG, sitinti buntu Sion, tang tibendon, sangadinna bantang sae lakona.

PA’PUDIAN 120:1

Nanian Hamaa’lot. Meongli’na’ langngan PUANG tongku lan kamaparrisan, natanannimo’ talinga.

PA’PUDIAN 119:3

Tu to tang umpogau’ duka kelok, sangadinna unturu’ mana’pa lalanNa Puang.

LUKAS 1:6

Iatu tau sola duai malambu’ penaanna langngan Puang Matua, napengkaolai bang tu pepasanNa sia Sukaran alukNa Puang, tae’ napasalai penaa.

PA’PUDIAN 121:1

Nanian Hamaa’lot. Kubangunan tu matangku untingara mintu’ buntu: Umbara la nanii bu’tu patunduangku?

PA’PUDIAN 124:1

Nanian Hamaa’lot. Pa’pudianna Daud. Iake la tang PUANG tu urrondongki’, Melo ke ma’kadai tu to Israel susite:

PA’PUDIAN 103:1

Pa’pudianna Daud. Pudimi tu PUANG, e sumanga’ku, sia sanga maseroNa, e mintu’na lan tondon to batangku;

PA’PUDIAN 126:1

Nanian Hamaa’lot. Iatonna pasulei PUANG tu mintu’ to Sion dirampa, susikan to mangimpi.

PA’PUDIAN 81:13

Iamoto angKu popa’elo’nai lan katoroge’geranna; naurungan unturu’ bang lalan tangnga’na.

PA’PUDIAN 123:1

Nanian Hamaa’lot. Mentingara mati’na’ Kalemi, o PUANG, unnisungi suruga.

PA’PUDIAN 122:1

Nanian Hamaa’lot’. Pa’pudianna Daud. Sende tu batu ba’tangku, tonna kuanna’ tau kumua: Maiko talao lako banuanNa PUANG.

PA’TOLE 28:3

iamotu la masakkeko lan kota sia la masakkeko dao lu padang.

2 SAMUEL 22:22

belanna kuturu’mo tu mintu’ lalanNa PUANG, sia tae’ bangpa angku sala’ kedo, sepang dio mai Kapenombangku.