PA’PUDIAN 127:3 - Sura' Madatu

³ Iatu pia’-pia’ muane iamo taa mana’ Nakamaseangki’ PUANG, sia iatu kamembatiran iamo polean.

PA’PUDIAN 127:3 Referans Kwoze

PA’TOLE 28:4

La masakke tu rianna pa’tambukammu, bura padangmu sia memba’ka’ tu patuoammu, iamotu anak sapimmu sia anak dombamu sia bembe’mu.

1 SAMUEL 1:27

Kupalaku te pia iate, anNa kamaseanna’ PUANG tu apa kupalaku lako Kalena.

YESAYA 8:18

Tiromi, aku na iatu mai pia Nakamaseanna’ PUANG, iamo tanda sia tanda nubua’ dio lu to Israel dio mai PUANGna mintu’ ma’dandan maritik tu unnisung dao buntu Sion.

KADADIAN 48:4

Nakua ma’kada lako kaleku: La Kupopembati’ko sia la Kupopemba’ka’ko sia la Kupagaronto’nako ba’tu pira-pira bangsa sia tana iate la Kuba’gian bati’ undimmu napomana’ tontong sae lakona.

KADADIAN 33:5

Iatonna bangunanni Esau tu matanna, natiromi tu mintu’ baine sola anakna, ma’kadami nakua: Mindara te mai musolan. Mebalimi Yakub nakua: Iamote tu mintu’ pia tu Napa’kamaseammo Puang Matua lako kaleku.

KADADIAN 1:28

Napassakkemi Puang Matua sola duai, Nama’kada lako Nakua: Membati’komi sia memba’ka’komi sia ponnoi te lino, sia taloi sia parentai tu mintu’ bale lan tasik sia mintu’ manuk-manuk dao lu langi’ sia mintu’ tu olo’-olo’ mendonglo’ lan lino.

KADADIAN 24:60

Napassakkemi tu Ribka nakua lako: E anak darangki, podo ammu membati’ massa’bu-sa’bu lampana, sia la nalapa’ nasang bati’mu tu babanganna ualinna!

1 OSSORANNA DATU 28:5

Dio mai mintu’ anakku muane – belanna Nakamaseina’ PUANG buda pia muane – Natonno’ tu anakku muane Salomo la unnisung dao isungan kadatuanNa PUANG umparenta to Israel.

YESAYA 13:18

Sangadinna iatu tinaranna ussanggang pia muane sia tae’ anna katirinnai tu mai lanna pa’tambukan, sia tang mamase untiro pia’-pia’.

KADADIAN 4:1

Sangampa’mi bainena tu tolino, iamotu Hawa, ma’tambukmi, nadadianni tu Kain, nakuami: Kuappa’mo tu misa’ pia muane tete dio pa’tunduanNa PUANG.

PA’TOLE 28:11

PUANG dukamo la ungkamaseiko kameloan sebo, lan rianna pa’tambukammu sia kamemba’karan patuoammu sia bura padangmu – lan tondok, tu Napalaoan sumpa PUANG unnalluranni nene’ to dolomu, kumua la Nabenko.

TO PARENGNGE’ 12:9

Iatu anakna den tallungpulo muane. Iatu anakna baine tallungpulo napakemuane senga’mo sia naalan tallungpulo baine tu mintu’ anakna muane napobaine, iamo baine salian lembang. Naparentami tu to Israel pitung taun.

2 SAMUEL 3:5

anna iatu ma’pennannanna Yitream, anakna Egla, bainena Daud. Mintu’nate napadadian Daud dio Hebron.

1 OSSORANNA DATU 8:40

Iatu anakna muane Ulam to lalong nasang, to manarang ma’pana, sia to buda anakna sia ampona; den saratu’ limangpulo sola nasang. Mintu’i te naala bilanganna bati’na Benyamin.

AYUB 1:2

Tau iato pitu tu anakna muane na tallu tu anakna baine.