PA’PUDIAN 126:4 - Sura' Madatu

⁴ O PUANG, pasulekan tama dandanki, susito uai salu lo’ pollo’na uai.

PA’PUDIAN 126:4 Referans Kwoze

PA’PUDIAN 85:4

Mirampanammo tu mintu’ kare’dekan ara’Mi, sia Mitoyangan tu Kalemi dio mai kasengkean ma’lulu-lulumMi.

HOSEA 1:11

La sita’pa tu mai to Yehuda anna to Israel, unnangka’ misa’ pangulu, anna ke’de’ lan mai padang iato, belanna la kapua tu allona Yizreel.

YESAYA 43:19

manassa la umpadenNa’ apa ba’ru, sia la mellolo; ma’apai ammi tang la unnissanni undinna? La Kupaden tu batatta dio lu padang aak sia salu dio lu padang talo.

YESAYA 41:18

La Kupabu’tu tu salu dao tanete karing, sia la Kupaden tu mata uai diong lu lombok; la Kupopellimbong tu padang aak sia la Kupopengkalimbuang tu padang rangke.

YESAYA 35:6

Attu iato to kupi’ la mekkondong susi donga sia lila to mamang la kumalasi-lasi, ke tikula’dakki tu uai dio padang aak sia salu dio padang pangallaran.

PA’PUDIAN 126:1

Nanian Hamaa’lot. Iatonna pasulei PUANG tu mintu’ to Sion dirampa, susikan to mangimpi.

YOSUA 3:16

pakalan tadangmi tu uai lolong daa mai ulunna sia bendan butung to misa’ panampo, mambela tongan sae lako Adam, iamotu kota sisa’de Sartan, na iatu uai lolong lako tasik dio Araba, iamotu tasik Ma’sin, dipasisarak uai daanna lu. Lambanmi tu bangsa iato sipatu tondok Yerikho.

YEREMIA 29:14

Sia Kuelorangkomi la unnapparanNa’, kadanNa PUANG, sia la Kupopembali tu toto’mi, sia la Kupulungkomi dio mai mintu’ bangsa sia dio mai mintu’ inan tu Kunii urrambaikomi male, kadanNa PUANG, sia la Kupasulekomi lako inan, tu Kunii mesua umpa’pepalirangkomi dio mai.

YEREMIA 30:3

Belanna tonganna la sae tu allona, kadanNa PUANG, ke Kupopembalii tu toto’na taungKu Israel sia Yehuda, kadanNa PUANG, sia umpasulei tu tau iato mai tama tondok, tu mangka Kukamasean nene’ to dolona, kumua anna pomana’i.