PA’PUDIAN 124:8 - Sura' Madatu

⁸ Iatu pa’tunduanta umpotete sanganNa PUANG, tu mangka umpadadi langi’ sola lino.

PA’PUDIAN 124:8 Referans Kwoze

PA’PUDIAN 121:2

Iatu patunduangku bu’tu lu dio mai PUANG, tu umpadadi langi’ sola lino.

PENGGAURANNA RASULU’ 4:24

Iatonna rangi tinde tau tu iannato, metambami langngan Puang Matua umpamisa penaa nakua: O Puang, Kamumo tu umpadadi langi’ sia lino sia tasik na mintu’ issinna;

YEREMIA 32:17

O Puangta PUANG, tonganna Kamumo umpadii tu langi’ sola lino tete dio kamatotoran kalle-kalleamMi sia tete dio takia’ tie’te’Mi; moi misa’ tae’ tu tang dadi dio Kalemi.

PA’PUDIAN 134:3

Sangapaoi anNa pamasakkeko PUANG lan mai Sion, Puang umpadadi langi’ sia lino.

PA’PUDIAN 115:15

Kamumo tu to Napamasakke PUANG, tu Puang mangka ungkombong langi’ na lino.

KADADIAN 1:1

Iatonna tipamulanna, Napadadii Puang Matua tu langi’ sola lino.

NEHEMIA 9:6

Kamu mannari tu PUANG, Kamumo tu mangka umpadadi langi’, ondongpi langi’ tu daona lu mintu’ langi’ sia mintu’ ma’dandan maritikna, sia lino sola mintu’ tu untongkonni sia tasik sia mintu’ tu apa lan; sia Kamu umpatuoi tu mintu’na sia mintu’ ma’dandan maritik dao langi’ tukku menomba dio oloMi.

PA’PUDIAN 20:8

Den tu tau ussattuan kareta, sia den ussattuan darang, apa iatu kita ussattuangki’ sanganNa PUANG Kapenombanta.