PA’PUDIAN 122:5 - Sura' Madatu

⁵ Belanna tidandanmo dio isungan to torro ada’, iamotu isungan to torro ada’ lan mintu’ bati’na Daud.

PA’PUDIAN 122:5 Referans Kwoze

PA’TOLE 17:8

Iake den misa’ kara-kara mandu masang, la mura’ta’, diona kaindanan rara, sia kasikara-karan ba’tu to dikambei – napobannangi ma’kara-kara tu tau lan kotamu – manassa la ke’de’ko lako inan, tu la Napilei PUANG, Kapenombammu.

2 OSSORANNA DATU 19:8

Dio duka Yerusalem nanii Yosafat untappu ba’tu pira-pira to Lewi, sia to minaa sia pangulu rapunna to Israel, la umpalolang pa’paolaian salu unturu’ atoranNa PUANG sia kara-kara. Iatu tau iato mai torro tontong dio Yerusalem.

2 OSSORANNA DATU 11:22

Iatu Abia, anakna Maakha, natappu Rehabeam anna padadi pangulu, iamo arung dio lu mintu’ siulu’na, belanna iamo la naangka’ datu.

2 SAMUEL 8:18

na iatu Benaya, anakna Yoyada, pangulunna to Kreti sia to Pleti sia iatu anakna muane Daud iamo to minaa.

PA’TOLE 17:18

Iake unnisungimi isungan kapayungan, manassa la napopeokiran kalena tu pallemba’na sukaran aluk iate, tu nananna tu mai to minaa to Lewi.

1 DATU 7:7

Sia nagaraga duka tu bilik inan isungan kapayungan, tu nanii ma’paolai salu, iamotu bilik pa’paolaian salu, tu dilopak kayu arasi’ randuk diong mai salinna sae langngan rattiangna.