PA’PUDIAN 120:5 - Sura' Madatu

⁵ Sumpu sumandakku! Belanna susina’ to mempue dio Mesekh, sia sangtinti to torro dio lu tendana Kedar.

PA’PUDIAN 120:5 Referans Kwoze

KADADIAN 10:2

Iatu muane nadadian Yafet, iamo Gomer na Magog na Madai na Yawan na Tubal na Mesekh na Tiras.

YEHEZKIEL 27:13

Iatu to Yawan, to Tubal sola to Mesekh musipa’balukanan duka; napasituka’ tau dibaluk sia pareanan tambaga tu balukammu.

KADADIAN 25:13

Inde sia tu sanganna mintu’ muane nadadian Ismael, situru’ kadadianna: iatu pa’bunga’na Ismael iamo Nebayot, namane Kedar sola Adbeel sia Mibsam.

PA’TENDENG BALLO 1:5

Masa’pangna’, apa maballo, e anak dara Yerusalem, susitu tenda Kedar, sia sangtinti kulambu Salma.

KADA OMBO’ LAKO RASULU’ YOHANES 2:13

Kuissan umba tu munii torro, iamotu naninna isunganna deata bulituk. Mentoeko lako sangangKu sia tae’ mupeonganni tu kapatonganan lako Kaleku, moi iatonna attunna Antipas, sa’bi maruru’Ku, tu mangka dipatei dio tingayomi, dio inan nanii deata bulituk torro.

YEHEZKIEL 39:1

E iko ma’rupa tau, ma’nubua’ko lako Gog, ammu ma’kada kumua: Inde sia tu kadanNa Puangta PUANG, Nakua: Manassa la Kulaoiko, e Gog, arung tarompo’na Mesekh na Tubal.

YEHEZKIEL 27:21

Iatu to Arab sola mintu’ arungna Kedar musipa’balukanan; iatu tau iato mai umbalukan anak domba, domba laki sia bembe’ laki lako kalemu.

YEREMIA 15:10

Upu’ alloku, o indo’ku, belanna midadiammo’, misa’ to te’geran, misa’ to passipakkan lako mintu’ pa’tondokan; tae’ kuma’peindan sia tae’ kukaindanan, apa pa’gantanna manna tau lako kaleku.

YEREMIA 9:6

Indete tu nanii sitoppo’-toppo’ pa’pakario-rio sia sitombon-tombon pa’pakena; tae’ namorai tu tau iato mai untandaiNa’, kadanNa PUANG.

1 SAMUEL 25:1

Ta’kala matemi tu Samuel anna sirampun tu mintu’ to Israel ma’pote dibolong anna lamunni lan banuanna dio Rama. Ke’de’mi tu Daud anna solo’ rokko padang pangallaran Paran.