PA’PUDIAN 12:7 - Sura' Madatu

⁷ Iatu kadanNa PUANG, iamo kada madatu, susi salaka, disudi lan pa’paredean dio padang, sia pempitu disa’po.

PA’PUDIAN 12:7 Referans Kwoze

1 SAMUEL 2:9

Ia ungkaritutui tu lentekna mintu’ pa’kaboro’Na, apa mintu’ to tang mekaaluk la sabu’ lan kamalillinan, belanna tae’ natete dio kamatotoranna tu misa’ muane pasau’.

1 PETRUS 1:5

tu Narinding pala’ kuasanNa Puang Matua tete dio kapatonganan lu lako kamakarimmanan tu diparandan la dipasombo, ke attu ma’katampakanna.

PA’PUDIAN 145:20

Iatu PUANG urrinding pala’ mintu’ to ungkamali’I, apa Nasabu’i tu mintu’ to tang mekaaluk.

PA’PUDIAN 121:8

PUANG la urrinding pala’ko lan torro ke’de’mu, randuk totemo landa’ sae lakona.

PA’PUDIAN 37:40

PUANG la untundui sia la urrampananni, Ia urrampananni dio mai to tang mekaaluk sia urrinding pala’i, belanna mentilindung lako Kalena.

MATIUS 3:7

Apa iatonna tiroi, buda tu to Farisi sia to Saduki sae duka la ma’popedio’, nakuami lako: E bati’ ula’ rame, mindara umpatudukomi umpallaian kalemi dio mai tu kasengkean la sae undinna?

YESAYA 27:3

Akumo PUANG, tu pakaduttu’na, la ussakka’i nenne’i; la Kupetayanni keallo kebongi, da narumbu lenni kakadakean lako.

PA’PUDIAN 37:28

Belanna iatu PUANG ungkabarii katonganan, sia tae’ Natampei tu to Naala mase, tau iato mai makarimman sae lakona, apa iatu bati’na to tang mekaaluk la diroto’i.

PA’PUDIAN 16:1

Ianan ballona Daud. Karimmannina’, o Puang Matua, belanna Kamu kuposande’.

PA’PUDIAN 10:18

la umpasalunna pia biung sia to dipakario-rio, kumua iatu tolino untorroi kuli’na padang da anna ma’patiramban pole.

PA’TOLE 33:3

Tonganna Nakamasei tu mai bangsa iato; mintu’ to maserona – lan nasang limamMi, matindo dio to’ lentekMi sia untarima pirang-pirang buku kadamMi.

YUDAS 1:1

Sura’ iate lu dio mai Yudas, taunNa Yesu Kristus sia siulu’na Yakobus, diparampo lako mintu’ to ditambai tu naluang pa’kaboro’Na Puang Matua Ambe’ sia kadikarimmanan dio mai Yesu Kristus.

PA’PUDIAN 18:31

Iatu Puang Matua sundun tu lalanNa; iatu kadanNa Puang tang kabissikan. Iamo napobalulang mintu’ to umposande’I.

PA’PUDIAN 19:9

Iatu parentaNa PUANG manappa’, sia umpasende penaa; pepasanNa PUANG masero, sia umpemarorrongi mata.

PA’PUDIAN 119:140

Iatu kadamMi masallo’ tongan, iamoto anna kamali’i taumMi.