PA’PUDIAN 12:4 - Sura' Madatu

⁴ Sanggangimi, PUANG, tu mintu’ puduk passede sia mintu’ lila ma’kada madongnga’.

PA’PUDIAN 12:4 Referans Kwoze

2 TESALONIKA 2:4

to pabali-bali sia ussanga madao kalena na iatu mintu’na disanganna kapenomban sia dipenombainna, naurunganni unnesung lan banuanNa Puang Matua sia ungganti kalena kumua iamo deata.

KATASSURAN 5:2

Apa mebali tu Firaun nakua: Mindara tu PUANG, tu sipatu la kuturu’ kadanNa sia unneloranni tu to Israel male? Tae’ kutandai tu PUANG iato sia tang kueloran tu to Israel male.

YEREMIA 18:18

Attu iato ma’kadami tu tau iato mai nakua: Maikomi tadakaran tangnga’ Yeremia, belanna tae’ lenpa napa’de tu pangadaran dio lu mintu’ to minaa ba’tu pa’timbangan dio lu mintu’ to matarru’ ba’tu kada dio lu mintu’ nabi. Maikomi taotton kadai; sia da taperangii moi misa’ tu kadanna.

DANIEL 3:15

Kusanga melo, ke naalai penaammi, iammi rangii tu oni tarompe’, suling, katapi, su’dekan, dandi sia suling rapi’ sia ma’rupa-rupa oni-onian, la lumbangkomi sae rokko padang umpenombai tu rapang-rapang dipodeata, tu mangka kugaraga, (tae’ ammi dipatumba-tumba), apa ke tae’i mipenombai, ta’pa dipembuangangkomi tama dapo’, nanii api ma’lana-lana, sia den pole’raka misa’ deata tu ma’din urrampanangkomi lan mai limangku?

YEREMIA 2:31

E kamu to dadi totemo, perangii tu kadanNa PUANG: Denraka Kususi to padang aak lako to Israel, ba’tu susito padang mapattang? Ma’apai anna ma’kada tu taungKu, nakua: Mallaimokanni, tae’mo kila sae lako Kalemi?

KADADIAN 3:5

Sangadinna Naissan Puang Matua, kumua randuk allo iato, ke mikandei tu bua kayu iato, ta’pa tibungka’ tu matammi, ammi susi Puang Matua unnissan melo sia kadake.

PA’PUDIAN 140:12

Iatu to pa’palele bekoan tae’ anna marendeng lan lino, sia la naula’ sumpu kamandasan tu to masa’ga’, anna sabu’i,

SARAMBU PEADA’ 10:31

Iatu pudukna to malambu’ umpabu’tu kakinaan, apa iatu lila ma’kada bulang leko’ la disanggang.