PA’PUDIAN 12:3 - Sura' Madatu

³ Tau iato mai ma’ulelean leko’ sola solana, sia pudukna ussa’bu’ passede situang penaa kera.

PA’PUDIAN 12:3 Referans Kwoze

SARAMBU PEADA’ 18:21

Iatu kamatean sia katuoan lan kuasanna lila, minda-minda unturusanni la nakande tu buanna.

KADA OMBO’ LAKO RASULU’ YOHANES 13:5

Dibenmi misa’ puduk umpasun kada matampo sia kada solang tu olo’-olo’ iato; diben duka kuasa la umpogau’i to patangpulo ndua bulanna.

DANIEL 7:8

Iatongku marassan umpenunui tu tanduk iato, ta’kala anna tuomo tu misa’ tanduk bitti’ lan alla’na, tu untumangi nadilampi’i tallu tanduk dio mai tanduk dolo; kutiro lan tanduk iato, nanii mata susi mata tolino sia puduk ussa’bu’ bang kada matampo.

PA’PUDIAN 17:10

Tu tang natamai kada tu penaa titutu’na, sia umpasun kada matampo.

YUDAS 1:16

Tau iamorato mai tu pa’nuku-nukuan sia suma’rok sia unturu’ bang kamoraianna, ma’kada matampo, anna ussede tau belanna untiroan misa kalena.

2 PETRUS 2:18

Belanna umpokada matampo kada tang kebattuan, anna daai pa’poraian pa’kalean sia tang penggauran tu to mane tilendok dio mai to unnolai lalan pusa.

MALEAKHI 3:13

Ma’kada layuk bangkomi tu diona Aku, kadanNa PUANG. Apa ma’kadakomi mikua: Apara kisipa’kada-kadai tu diona Kalemi?

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

YEHEZKIEL 29:3

Ma’kadako mukua: Inde sia tu kadanNa Puangta PUANG, Nakua: Manassa la Kulaoiko, Firaun, datu Mesir, ikomo naga mawatang, sumpandan lan tangnga messarakna salu Nilmu, tu ma’kada kumua: Aku puangna tu messarakna Nilku, sia aku kalena umpadadianni kaleku.

YEHEZKIEL 28:9

La ma’kada siaporokoka kumua: akumora te tu misa’ deata – moi ammu tolino, tangia misa’ deata –, ke dioko tingayona to umpateiko sia lan kuasanna tu mai to untobokko?

YEHEZKIEL 28:2

E ma’rupa tau, pokadanni arungna Tirus kumua: Inde sia tu kadanNa Puangta PUANG, Nakua: Belanna mupamatampo tu penaammu ammu ma’kada kumua: Akumo misa’ deata, untorroina’ misa’ banua deata lan atena tasik, – moi ammu misa’ tolino, tangiako deata –, sia umpapadako kalemu misa’ deata lan penaammu.

1 SAMUEL 2:3

Da mitarru’ ma’kada layuk, dan nasun tu kada matampo dio pudukmi. Belanna iatu PUANG mandu paissan sia mintu’ penggauran Nasudi.

KATASSURAN 15:9

Ma’kadami tu uali, nakua: La mangula’na’, la kupellambi’i, la untaa-taana’ pangrampa; iatu penaangku la kupatosso lako tau iato mai sia la unnonokna’ la’bo’ku; limangku la ussanggangi tu tau iato mai.

YESAYA 10:10

Susi limangku ussau’ parentana dipa’deatainna, moi anna mandu maballo iatu rapang-rapang dipodeata dipa’na anna rapang-rapang dipodeata dio Yerusalem sia dio Samaria;

AYUB 32:22

belanna iatu pa’tendeng tae’ kupobiasai, iake susito, na Totumampakumora umputtaina’ madomi’.

PA’PUDIAN 55:22

Iatu pudukna mandu malannang anna bumbungan pa’pamakko, apa iatu penaanna lan passigagan, sia iatu buangan kadanna mandu malamma’ anna boka’, apa mintu’nato butung to la’bo’ tibua’.

PA’PUDIAN 116:11

Tongku mataku’ angku ma’kada, kukua: Tang mana’pa’ tu mintu’ tolino.

PA’PUDIAN 140:12

Iatu to pa’palele bekoan tae’ anna marendeng lan lino, sia la naula’ sumpu kamandasan tu to masa’ga’, anna sabu’i,

SARAMBU PEADA’ 26:24

Minda-minda tu untambuk essun, belo puduk punala bang, apa untannun pa’pakkena lan ba’tengna.

YESAYA 59:4

Tae’ misa’ to ma’parapa’ situang kamalamburan sia tae’ misa’ to mangra’ta’ situru’ katonganan; urrannuan kada tang kebattuan sia ma’kada tang tongan, untambuk kamandasan sia untibussanan kasanggangan.

YEREMIA 9:8

Iatu lilana tau iato mai susito tinaran papatean, tu ma’kada tang tongan; iatu pudukna pada ma’kada marampa’ sola tu mai solana, apa lan penaanna natananan poya.

YEREMIA 12:6

Belanna moi mintu’ siulu’mu sia mintu’ sangdadianna ambe’mu tang maruru’ lako kalemu, metamba tu tau iato mai dio boko’mu umpekapuai gamaranna; da mupatonganni, ke ma’kada mammi’i lako kalemu.