PA’PUDIAN 119:2 - Sura' Madatu

² Maupa’ mintu’ to unnanna rara’i tu kasa’bianNa, sia to kalebu tallang penaanna undaka’ Puang.

PA’PUDIAN 119:2 Referans Kwoze

YEREMIA 29:13

Sia la miappa’Na’, ke midaka’Na’, ke ponnoi penaammi malaku pa’tunduan lako Kaleku.

PA’PUDIAN 119:10

Kalebu tongan penaangku undaka’Komi, da Mieloranna’ pusa dio mai mintu’ pepasanMi.

PA’TOLE 4:29

Ammu daka’i dio tu PUANG, Kapenombammi, ammu kabu’tui, ke kalebu tonganni penaammu sia deatammu male undaka’I.

YOHANES 14:23

Mebalimi Yesu nakua ungkuanni: Iake den tau ungkamali’Na’, la nakaritutui tu kadangKu, anNa kamasei Ambe’Ku, sia la saeKanni lako kalena sia mareso’ dio.

PA’PUDIAN 25:10

Mintu’ lalanna PUANG iamo kamaturu-turuan sia kamarurusan, lako to ungkaritutui basseNa sia mintu’ kasa’bianNa.

YEHEZKIEL 36:27

La Kubenkomi PenaangKu la tama ba’tengmi sia Kupadadikomi to unturu’ apa Kupondok sia makaritutu umpogau’ atorangKu.

SARAMBU PEADA’ 23:26

E anakku, sorongi tu penaammu lako kaleku, sia la naposende matammu tu diona lalanku.

PA’TOLE 6:17

La mikaritutui tongan tu pepasanNa PUANG, Kapenombammi, sia mintu’ tu apa Napamanassa sia aluk Napondok, tu mangka Napapassanangko.

2 OSSORANNA DATU 31:21

Mintu’ pengkarangan tu naparandukmo diona kapengkaolan lan banuanNa Puang Matua sia iatu Sukaran aluk sia pepasan, tu nanii undaka’ Kapenombanna, napogau’ situang kalantukan penaanna, sia maupa’ lan mintu’nato.

1 DATU 2:3

Sia pogau’i tu mintu’ Natuntunna PUANG, Kapenombammu: iamotu unturu’ lalanNa sia ungkaritutui mintu’ apa Napondok sia pepasanNa sia atoranNa sia pangadaranNa, susitu mintu’ apa disura’ lan sukaran alukna Musa, ammu palolang marampa’i tu mintu’ apa mupogau’ sia mintu’ apa mukarang.

1 YOHANES 3:20

belanna moi napasalaki’ penaanta, apa mambela kapuanNa tu Puang Matua na penaannta, sia unnissan mintu’na apa.

PA’PUDIAN 105:45

Kumua anna karitutui tau iato mai tu aluk Napondok Puang, sia natoe manda’ tu mintu’ Sukaran alukNa. Haleluya!

PA’TOLE 6:5

La ponno penaammu sia mintu’ deatammu sola mintu’ kamatotorammu la ungkamali’ PUANG, Kapenombammu.

PA’PUDIAN 119:22

Pa’dei tu attangan sia kamatunan dio mai kaleku, belanna kukaritutui tu mintu’ kasa’biamMi.

PA’PUDIAN 119:146

Meongli’na’ Mati’: Lendokanna’ dikka’! Angku pengkaolai tu mintu’ apa Mipondok.

1 OSSORANNA DATU 22:19

Totemo la mipakalebu tallang tu penaammi sia deatammi la umpengkaolai PUANG, Kapenombammi. Iamoto sangtiangkarangkomi la umbangunni tu inan maindanNa PUANG Kapenomban, anna iatu patti basseNa PUANG sia mintu’ pareanan maindanNa Puang Matua ma’din dibaa lako banua iato, tu dipabendanan sanganNa PUANG.

PA’PUDIAN 119:17

Pogau’i tu kameloan lako taumMi, angku tuo; kukaritutui mana’pai tu kadamMi.

PA’PUDIAN 119:33

O, PUANG ada’ina’ tu lalan aluk Mipondok, angku karitutui landa’ lako ma’katampakanna.

PA’PUDIAN 119:34

Benna’ tangnga’ kinaa, angku karitutui tu sukaran alukMi, sia angku kanannangi situang penaa kalebungku.

PA’PUDIAN 119:57

Iatu PUANG iamo kataanangku, kuallu’mo la ungkaritutui kadamMi.

PA’PUDIAN 119:69

Napasussuimo’ kadake to matampo apa kukaritutui tu mintu’ parentaMi situang penaa lantukku.

PA’PUDIAN 119:88

Patuona’ sitinaya kamasokanamMi, angku toe manda’i tu kasa’bian ombo’ dio pudukMi.

PA’PUDIAN 119:101

Kupamari’pimo tu lentekku tang la unnola lalan kakadakean, kumua angku belai ungkaritutui kadamMi.

PA’PUDIAN 119:115

MallaiKomi dio mai kaleku, e kamu to umpogau’ kakadakean, Angku kullei ungkaritutui pepasanna Kapenombangku.